Bann Modele Presentation

Pou Commence Bann Letid la Bible Premier Samedi dan Mois Juin

“La plupart dimoune avek ki nou’nn kozé envie ki ena la paix dan le monde. Pourtant, ankor ena la guerre. Dapré ou, kifer li difisil pou ena la paix lor later?” Laisse dimoune-la reponn. Apré sa, montré li dernier page La Tour de Garde 1^er Juin, en Français, ek examine bann paragraphe ki ena enba premier question ek au moins enn verset ki’nn cité. Offert bann periodik, ek faire l’arrangement pou retourné pou examine prochain question.

Note: Bizin faire enn demonstration pendant reunion predication ki pou ena 1^er Juin pou montré couma pou presente sa periodik-la.

La Tour de Garde 1^er Juin

“Nou pé rann enn ti visite bann dimoune dan l’endroit pou koz lor enn probleme ki beaucoup dimoune faire face. La plupart dimoune inn deja faire face ar discrimination enn moment dan zot lavi. Eski ou pensé ena enn place lor later kot pena discrimination? [Laisse dimoune-la reponn.] Guetté couma Bondié considere tou dimoune. [Lire Actes 10:34.] Sa magazine-la expliké couma Bondié pou elimine discrimination pou touletan.”

Réveillez-vous! Juin

“Nou ti pou content gagne ou l’opinion lor enn sujet. Li normal ki nou envie vive pli bien. Eski ou pensé nou pou gagne sa qualité lavi-la si nou acheté pli beaucoup kitsoz materiel? [Laisse dimoune-la reponn.] Guette sa parole profond ki Jésus ti dire-la. [Lire Luc 12:15.] Sa magazine-la montré couma nou kapav ena enn l’opinion equilibré lor bann kitsoz materiel ek donne bann suggestion pratik couma nou kapav controle nou bann depense.”