Annonce

◼ Publication ki pou offert en septembre: Livre Ki la Bible enseigné vrai-mem? Faire zeffort pou commence bann l’etude la Bible premier fois ki ou joinde enn dimoune. Si dimoune-la deja ena sa livre-la ek pa’lé enn l’etude la Bible, bann proclamateur kapav offert li enn vié periodik ou-soit n’importe ki brochure ki interesse li. Octobre: La Tour de Garde ek Réveillez-vous ! Si dimoune-la montré l’interet, presente li tract Eski ou ti pou content konn la verité? ek faire zeffort pou commence enn l’etude la Bible. Novembre: Brochure La Bible​—Ki message ena ladan? Décembre: Livre Le plus grand homme de tous les temps. Si dimoune-la ena zenfant, offert livre Écoute le grand Enseignant ou-soit Recueil d’histoires bibliques.

◼ Discours special pou lepok Mémorial 2012 pou faire semaine le 2 avril. Theme sa discours-la pou annoncé plitar. Fodé pa ki okenn congregation faire sa discours special-la avant Mémorial.

◼ Bann proclamateur ki pou faire pionnier auxilliare pendant mois mars 2012, pou kapav choisir si zot pou faire 30 heure ou-soit 50 heure. En plus, si surveillant circonscription pé visite zot congregation pendant sa mois-la, tou bann ki pé faire pionnier auxilliaire, ki zot pé faire 30 ou-soit 50 heure, invité pou assisté reunion ki surveillant circonscription faire avek bann pionnier permanent, en entier.

◼ En septembre, bann surveillant circonscription pou commence faire discours publik ki ena theme “ Unissez-vous au peuple heureux de Dieu. ”