Eski ou kapav preché dan dimanche?
1. Ki nou kapav aprann ar seki Paul ek so bann compagnon ti faire dan la ville Philippes?
1 Sa jour-la ti enn sabbat, enn jour kot la plupart bann Juif dan la ville Philippes ti reposé. Paul ek so bann compagnon ti pé visite sa la ville-la pendant enn zot bann voyage missionnaire. Personne pa ti pou critik zot si zot aussi zot ti reposé ek zot pa ti preché sa jour-la. Selman, zot ti koné ki bann Juif ti rassemblé en dehors la ville pou prié, alors zot ti saisi sa l’occasion-la pou al preche ar zot. Surement Paul ek so bann compagnon ti bien content kan Lydie ti ecoute zot ek li ek tou so famille ti prend bapteme! (Actes 16:13-15) Zordi, la plupart dimoune reposé dan dimanche, alors kifer ou pa servi enn partie sa la journée-la pou preche avek zot?
2. Ki bann defi bann serviteur Jéhovah ti bizin surmonté pou kapav preché dan dimanche sans probleme?
2 Predication dan dimanche: Pendant l’année 1927, bann serviteur Jéhovah ti encouragé pou consacré enn partie zot la journée dimanche dan predication. Desuite, zot ti gagne l’opposition. En Amérique, la police ti arrete beaucoup parmi sa bann serviteur-la ek ti accuse zot parski zot pa ti pé respecté la loi lor sabbat dan dimanche, zot ti pé troublé la paix, ek zot ti pé vann bann livre sans permis. Mais bann serviteur Jéhovah pa ti arrete preché. Dan bann l’année 30, zot ti organise seki nou appel bann “campagnes divisionnaires,” setadir bann sortie special kot bann proclamateur dan bann congregation tout autour, ti vinn dan enn territoire pou preché. Parfois, kan ti arrete bann proclamateur, zot ti tellement beaucoup ki bann l’autorité pa ti koné ki pou faire. Eski ou vrai-mem apprecié bann sacrifice ki sa bann frere-la ti faire pou ki nou kapav preché dan dimanche sans probleme?
3. Kifer dimanche c’est enn bon jour pou sorti predication?
3 Enn bon jour pou preché: Beaucoup dimoune pa travail dan dimanche. En general zot beaucoup pli relax. Certain dimoune kitfois pli disposé pou koz lor Bondié sa jour-la. Si nou ena reunion dan dimanche, nou deja habillé pareil couma nou ti pou habillé pou sorti predication. Alors, kifer nou pa organise-nou pou sorti predication avant ou-soit apré reunion? Si necessaire, amenn enn ti kitsoz pou nou mangé avek nou.
4. Ki la joie nou kapav gagné si nou passe enn partie nou la journée dimanche dan predication?
4 Si nou passe enn partie nou la journée dimanche dan predication, nou pou encore ena le temps ki nou bizin pou reposé. Ek kan nou pou reposé, nou pou ena satisfaction ki nou finn participe dan service sacré. (Prov. 19:23) Nou kapav mem ena la joie pou trouve enn kikenn couma Lydie!