“Pa Peur”
1. Pareil couma Jérémie, ar ki bann difficulté nou kapav faire face personnellement?
1 Au commencement, Jérémie ti ena bann sentiment ki li pa ti qualifié pou faire travail prophete. Mais Jéhovah ti rassure li kan Li ti dire li “pa peur,” ek avek bonté Li ti donne Jérémie la force pou accompli so mission. (Jér. 1:6-10) Azordi, timidité ou-soit enn mank confiance, kapav affecté nou participation dan ministere. Parfois, parski nou peur reaction ki bann dimoune pou ena kan zot tann nou message ou-soit fason ki zot considere nou, sa kapav empeche nou donne enn temoignage. Couma nou kapav surmonte sa la peur-la, ek si nou faire sa, ki bann benediction nou pou gagné lor plan personnel?
2. Couma enn bon preparation pou aide nou pou diminué nou la peur concernant nou ministere?
2 Prepare-ou a l’avance: Enn bon preparation kapav aide nou pou diminué nou la peur. Par exemple, si a l’avance nou examine bann l’objection ki nou gagné souvent, sa pou prepare nou pou reponn sa bann l’objection-la. (Prov. 15:28) Kifer ou pa faire bann ti demonstration pendant ou l’etude familial pou prepare ou affronte different difficulté dan lekol ek dan ministere?—1 Pierre 3:15.
3. Couma nou confiance en Jéhovah aide nou surmonte nou la peur?
3 Faire Jéhovah confiance: Si nou faire nou Bondié confiance sa pou permette nou surmonte nou la peur. Jéhovah finn donne nou garantie ki Li pou aide nou. (Is. 41:10-13) Ki pli grand securité ki nou pou kapav ena? En plus, Jésus ti donne nou l’assurance ki mem kan bann situation ki nou pa pé attann arrivé, l’esprit saint Bondié pou permette nou rann temoignage dan enn bon fason. (Marc 13:11) Alors, anou prié Jéhovah souvent pou demann Li so l’esprit saint.—Luc 11:13.
4. Ki bann benediction nou gagné kan nou perseveré dan nou ministere malgré bann difficulté?
4 Bann benediction: Kan nou perseveré dan nou ministere malgré bann difficulté, nou vinn pli fort pou affronte avek succès bann l’epreuve dan l’avenir. Nou developpe courage ek franchise—bann qualité ki bann dimoune ki rempli ar l’esprit saint manifesté. (Actes 4:31) En plus, a mesure ki nou surmonte nou la peur avek l’aide Jéhovah, nou fortifié nou la foi ek nou confiance dan so la main ki sauve nou. (Is. 33:2) Kan nou koné ki nou pé faire nou Papa ki dan le ciel plaisir, sa faire nou ressenti aussi la joie ek satisfaction. (1 Pierre 4:13, 14) Alors, fodé pa nou peur pou annonce message Royaume avek courage ek nou bizin toujours garde confiance ki Jéhovah pou soutenir nou!