Presentation periodik
La Tour de Garde 1er août
“Beaucoup dimoune pensé ki tou bann bon dimoune pou al dan le ciel. Eski ou croire sa ou aussi? [Laisse dimoune-la reponn.] Guette seki li dire ici concernant la terre. [Lire Psaume 37:11, 29.] Sa lartik-la montré seki Jésus ti enseigné concernant l’avenir l’humanité lor la terre.” Montré lartik ki commence lor page 22.
Réveillez-vous! Août
“Ena bien tigit kitsoz ki faire autant souffert ki la mort enn papa ou enn mama. Eski ou d’accord ar sa ou? [Laisse dimoune-la reponn.] Beaucoup finn gagne l’encouragement par sa verset la Bible-la. [Lire Révélation 21:4.] Sa lartik-la expliké couma nou bizin reagir kan tou sorte qualité sentiment envahir nou, surtout pou enn jeune.” Montré lartik ki commence lor page 10.
La Tour de Garde 1er septembre
“Certain dire ki si nou fidele ar Bondié, Li pou faire nou vinn riche. Mais si nou misere, sa vedir ki nou pena faveur Bondié. Ki ou pensé ou? [Laisse dimoune-la reponn.] Li interessant pou koné ki Jésus pa ti enn dimoune riche. [Lire Luc 9:58.] Sa magazine-la montré ki qualité benediction bann serviteur Bondié kapav attann pou gagné.”
Réveillez-vous Septembre
“Eski ou pensé ki bann jeune gagne plus difficulté zordi ki avant? [Laisse dimoune-la reponn.] Beaucoup dimoune pensé ki sa verset-la decrire bien nou lepok. [Lire 2 Timothée 3:1.] Sa magazine-la montré bann principe pratik ki sorti dan la Bible ki pou aide bann parent ek bann jeune pou faire face ar sa bann difficulté-la.”