Question Ki’nn Soulevé

◼ Eski la congregation ou-soit n’importe kisannla kapav servi logo bann association legal bann Témoins de Jéhovah?

Enn logo c’est enn nom, ou-soit enn symbol ki’nn faire pou facilite bann dimoune reconette enn organisation. Logo Watch Tower (Tour de Garde) represente Watch Tower Bible and Tract Society of Pennsylvania ek lezot association ki l’organisation servi. Pou certain association, couma par exemple en France ou-soit en Amérique, ena enn la bible ouvert ki parette lor l’en-tête papier ki zot servi. Lezot association bann Témoins de Jéhovah ena zot prop logo.

Fodé pa ki bann congregation ou-soit n’importe kisannla servi logo ou-soit nom bann association legal nou l’organisation, ou-soit ki ressemblé zot logo ou-soit zot nom, lor bann l’enseigne pou la Salle du Royaume, ou-soit lor batiment-la li-mem, lor l’en-tête bann papier, lor bann kitsoz personnel, ek lezot kitsoz encore. Sa kapav crée confusion dan l’esprit bann fonctionnaire publik, bann proclamateur, ek lezot dimoune, concernant lien ki ena entre la congregation ek bann association legal ki l’organisation servi. Li pareil aussi pou bann lettre. Dimoune kapav mal comprend, ek kapav croire ki c’est siege mondial ou-soit la filiale ki’nn approuve ou-soit ki’nn envoye sa bann lettre-la.

Fodé pa servi logo Watch Tower (Tour de Garde), ou-soit enn logo ki ressemblé sa, pou bann projet construction bann Salle du Royaume, mem si nou l’association local ki proprietaire la Salle du Royaume. Si sa logo-la li deja lor bann enseigne bann Salle du Royaume, li pa necessaire ki bann congregation change sa desuite, si sa bann changement-la implik beaucoup modification, ek beaucoup le temps, zeffort ek depense. Mais, si ena zis enn ti changement kot pa pou bizin faire bann grand travail, kapav faire li desuite. Sinon, kapav faire sa kan ena enn renovation ki’nn programmé.