Lettre la filiale

Cher proclamateur,

C’est enn plaisir pou reguette enn tipé travail ki finn accompli pendant l’année service ki’nn passé. Nou ena bann bon raison pou dan la joie! Nou finn faire vrai-mem enn bon travail en mars, avril ek mai. Ti ena 375 pionnier auxiliaire (319 Maurice, 51 Seychelles ek 5 Rodrigues) ek 105 pionnier permanent dan tou nou bann l’île. Bann proclamateur aussi finn faire zot best, ek zot finn passe en moyenne 10 heure temps dan predication. En mai 2008, nou finn conduire 2,308 l’etude biblik (1,925 Maurice, 337 Seychelles ek 46 Rodrigues).

Pendant bann dernier mois ki’nn passé, finn ena plusieurs projet renovation ek construction ki finn faire dan Maurice. Finn ena renovation la Salle du Royaume Beau Bassin ek Flacq. Asterla, nou pé faire deuxieme partie construction la Salle du Royaume Rivière du Rempart. Bann frere dan Bureau construction bann la Salle du Royaume bien soutenir sa bann projet-la, ek zot faire zot maximum pou ki tou projet terminé a temps. Nou bien reconnaissant envers sa bann frere-la. Nou profite sa lettre-la pou faire enn appel ar tou bann volontaire, parski enn grand travail renovation la Salle l’assemblée Pointe aux Sables pé commencé sa mois-la.

Ena beaucoup parmi zot, ki en plus ki zot pé soutenir predication la bonne nouvelle, pé soutenir aussi bann projet construction ek renovation bann la Salle du Royaume dan ou bann l’île. Zot zeffort ena vrai-mem enn grand valeur ek sa montré ki zot devoué pou soutenir Royaume Bondié. Zot kapav sur ki nou bien reconnaissant pou zot l’aide.

Alors ki nou pé commence enn nouveau l’année service, la famille du Béthel envie dire zot tou ki quantité nou content pou coopere avek zot dan ministere pou loué Jéhovah.

Zot bann frere,

Béthel Pointe aux Sables