Revision lekol ministere theocratik
Nou pou examine bann question ki lor sa feuille-la dan Lekol ministere theocratik pendant semaine ki commence a partir le 30 juin 2008. Surveillant lekol pou faire enn revision pendant 30 minute. Sa revision-la basé lor bann sujet ki ti faire a partir semaine 5 mai ziska 30 juin 2008. [Note: Kan pena okenn reference apré bann question, ou pou bizin faire ou prop recherche pou trouve bann reponse.—Guette livre École du Ministère, p. 36-7.]
TECHNIK ORATOIRE
1. Ki nou kapav faire pou nou sur ki lezot comprend bann l’exemple ki nou servi? [12 mai, beF p. 242 § 4–p. 243 § 1] En general li bon ki nou montré couma enn l’exemple li applik ar sujet ki nou pé discuté. Par exemple, kan Jésus ti appel so bann disciple “la lumiere le monde,” li ti montré aussi ki bann responsabilité zot ti pou ena. (Mat. 5:14-16) A la fin so l’exemple lor enn brebis ki ti perdi, li ti koz lor la joie ki ena dan le ciel kan enn kikenn ki faire peché repenti. (Luc 15:7)
2. Kifer bann l’exemple simple ki basé lor bann kitsoz ki nou l’auditoire konn bien, zot efficace? [26 mai, beF p. 245 § 2-4] Kan nou servi bann l’exemple ki basé lor bann kitsoz ki zot konn bien, sa touche leker bann ki pé ecoute nou. Pareil couma Jésus, nou kapav servi bann ti kitsoz pou explik bann grand kitsoz ek bann kitsoz facile pou explik bann kitsoz difficile. Dan sa fason-la nou aide bann dimoune pou comprend ek rappel bann verité biblik ki nou pé enseigné.
3. Kifer li important ki nou servi bann aide visuel dan enn fason efficace, ek couma Jéhovah ti servi sa pou enseigne bann leson bien important? (Gen. 15:5; Jér. 18:6; Yona 4:10, 11) [2 juin, beF p. 247 § 1-2] Enn aide visuel kapav capté l’attention nou l’auditoire ek faire ki bann leson reste gravé dan zot memoire. Pareil couma Jéhovah, ki ti servi bann zetoile dan le ciel, enn potier ki pé travail dan so l’atelier, ek enn pié lagenaria pou enseigne bann leson bien important, nou kapav servi bann aide visuel pou faire ki bann point important dan nou l’enseignement reste gravé dan l’esprit nou l’auditoire.
4. Couma nou kapav servi bann aide visuel pou ameliore nou l’enseignement? [16 juin, beF p. 248 § 1-3] Kan nou pé faire enn l’etude la Bible, nou kapav attire l’attention dimoune-la lor enn zimage ki ena enn rapport avek seki nou pé etudié ek invite li pou dire nou seki li trouvé. Kan nou pé koz lor bann prophetie kot nou bizin calcule bann date ek le temps ou-soit bann l’evenement precis ki’nn arrivé dan l’histoire, en general li bon ki nou ecrire sa bann calcule-la ou-soit nou servi enn tableau chronologik ki montré dan ki l’ordre bann l’evenement finn arrivé. Si nou servi bien bann zimage ek bann plan ki trouve dan nou bann publication, nou kapav aide bann dimoune pou comprend pli facilement bann point ki nou pé examiné.
5. Couma nou kapav servi bann map couma bann aide visuel ki efficace kan nou etudié la Bible avek bann dimoune? [23 juin, beF p. 248 § 4] Bann map permette nou “visite” bann l’endroit ki mentionné dan la Bible, ek zot aide nou pou comprend pli bien bann l’Ecriture. Par exemple, kan nou examine voyage ki Abraham ti faire kan li ti quitte Our pou al Harân ek apré li ti al ziska Béthel, ou-soit la route ki bann Israélite ti prend kan zot ti quitte l’Égypte pou al la Terre promise, sa augmente nou connaissance lor bann l’endroit biblik ek sa aide nou pou koné kot sa bann l’endroit dan la Bible-la été par rapport ar zot camarade. Kan nou trouve bann la ville kot Jésus ek Paul ti preché, sa kapav aide nou pou realisé ki quantité zeffort zot ti faire pou preche la bonne nouvelle.
EXPOSÉ NO. 1
6. Grace a l’esprit saint, ki kitsoz enn l’etude la Bible kapav aide nou pou discerné? [12 mai, beF p. 32 § 2-3] Avek l’aide l’esprit saint, nou kapav comprend couma bann prophetie biblik pé realisé ek vrai signification bann l’evenement ki pé arrivé dan le monde. (Marc 13:4-29; Rév. 12:12) Nou kapav trouve bann qualité ki nou Createur ena kan nou observe l’univers. (Rom. 1:20) Enn l’etude Parole Bondié kapav aide nou aussi pou reste humble, resisté kont “pouvoir ki peché ena pou embete dimoune,” ek marche dan enn fason ki Jéhovah approuvé. (Héb. 3:13; Deut. 17:18-20; Col. 1:10)
7. Couma nou kapav servi la Bible li-mem pou rod signification enn verset? [19 mai, beF p. 34 § 4–p. 35 § 2] Nou kapav commence par examine contexte sa verset-la ek pose nou-mem sa bann question-la: ‘Sa texte-la ti adressé ar kisannla? Bann verset ki ena avant ek apré, ki zot montré concernant bann situation ki’nn amenn bann dimoune ki impliké pou faire sa declaration-la ou-soit pou ena sa qualité l’attitude-la?’ Kan nou guette bann reference ki ena dan bann colonne dan “ Traduction du monde nouveau, ” nou kapav comprend pli bien l’accomplissement enn prophetie ou-soit enn l’aspect dan l’alliance la Loi, enn l’idée parallel ou-soit bann renseignement lor la vie bann dimoune ou-soit lor geographie. Enn concordance lor la Bible kapav aide nou pou trouve bann verset ki koz lor enn mem sujet.
8. Couma l’Evangile Jean expliké couma Jéhovah servi Jésus pou beni l’humanité? [2 juin, siF p. 198 § 32] Bann texte couma Jean 14:13, 14 ek 16:23 attire l’attention lor role ki Jésus joué—li-mem sel moyen ki Bondié servi pou beni l’humanité. Appel Jésus “l’Agneau Bondié,” “di-pain ki donne la vie,” “la lumiere le monde,” “l’excellent berger,” “resurrection ek la vie,” li-mem “chemin, ek la verité ek la vie,” ek “vrai pié raisin.” (Jean 1:29; 6:35; 8:12; 10:11; 11:25; 14:6; 15:1)
9. Ki kitsoz dan bann l’Ecriture permette nou dire ki c’est docteur Luc ki ti ecrire livre Actes? [9 juin, siF p. 199 § 3; p. 200 § 5-7] L’Evangile Luc ek livre Actes toulé-deux adressé ar Théophile. (Luc 1:3; Actes 1:1) Bann premier verset livre Actes koz lor bann l’evenement ki ti arrivé dan la fin livre Luc. Seki Luc dire concernant bateau ek voyage depuis Césarée ziska Rome, li exact dan tou ti detail. (Actes 27:40)
10. En general, ki nou bizin faire pou prepare plan enn sujet? [16 juin, beF p. 39-41] Premier kitsoz c’est ou bizin prend compte ou theme, ou-soit l’idée principal, ki ou envie partage avek ou l’auditoire. Analyse chaque mot clé ki ena dan theme. Reflechi lor l’objectif ou sujet. Apré sa, rod bann point principal lor ki ou pou bizin kozé pou developpe ou theme ek realise ou l’objectif. Faire bann recherche, choisir bann verset la Bible ek bann detail ki ena enn rapport avek ou bann point principal. Classe ou bann l’idée “dan enn l’ordre logik.” (Luc 1:3)
LECTURE LA BIBLE TOULÉ-SEMAINE
11. Ki temple ki’nn “prend quarante-six an pou construire”? (Jean 2:20) [5 mai, wCE 08 1/4 “Parole Jéhovah vivant—Point biblik interessant dan livre Jean”] Bann Juif ti pé koz lor temple Zorobabel ki ti pé reconstruire par Hérode, le roi Judée. Dapré l’historien Josèphe, sa travail-la ti commencé dan 18eme l’année regne Hérode, setadir en 18/17 a.n.l. Ti prend huit an pou construire temple li-mem ek bann lezot batiment principal. Mais, travail lor lezot batiment ki ti autour temple ti contigné mem apré Pâque l’an 30 n.l., l’année kot bann Juif ti dire ki ti’nn prend 46 an pou construire sa temple-la.
12. Kisannla ki ‘sorti dan la mort ek al vers la vie’? (Jean 5:24, 25) [12 mai, wCE 08 1/4 “Parole Jéhovah vivant—Point biblik interessant dan livre Jean”] Jésus pé koz lor bann ki ti mort lor plan spirituel enn lepok, mais ki, kan zot finn tann so parole, finn ena la foi dan li ek finn abandonne zot mauvais conduite. Zot ‘sorti dan la mort, zot al vers la vie’ dan sens ki condamnation la mort nepli pese lor zot ek zot gagne l’esperance la vie eternel a cause zot la foi dan Bondié. (1 Pierre 4:3-6)
13. Kan koz l’assistant, ou-soit l’esprit la verité, kifer en grec servi bann pronom neutre dan Jean 14:16, 17, seki montré ki l’esprit saint pa enn dimoune, alors ki dan Jean 16:7, 8, 13, 14, servi bann pronom masculin coumadir l’esprit saint enn dimoune? [26 mai, wCE 08 1/4 “Parole Jéhovah vivant—Point biblik interessant dan livre Jean”] Kan servi pronom masculin, sa pa vedir ki l’esprit saint enn dimoune. C’est zis pou respecté bann regle grammaire. En grec, langue ki Jean ti ecrire so l’Evangile, mot “assistant” li masculin alors ki mot “l’esprit” li neutre, setadir li pa ni masculin ni feminin.
14. Kifer Jésus ti dire Marie Magdalène arrete maye ar li? (Jean 20:17) [2 juin, wCE 08 1/4 “Parole Jéhovah vivant—Point biblik interessant dan livre Jean”] Surement Marie ti maye ar Jésus parski li ti pensé ki Jésus ti pé al monte dan le ciel ek li pa pou retrouve li jamais encore. Pou donne li l’assurance ki li pa ti pé allé desuite, Jésus ti dire li arrete maye ar li mais plutot al annonce so bann disciple ki li’nn ressuscité.
15. Ki sa vedir ki Jésus pou vini “dan mem fason” ki li ti monte dan le ciel? (Actes 1:9-11) [9 juin, rsF p. 330 § 4; itF-1 p. 197 § 4] Li important pou noté ki bann ange ti pé koz lor ‘fason’ (gr., tropos) ki Jésus ti allé mais pa dan ki forme (gr., morphê) li ti allé. Kan bann nuage ti cachiette li, okenn dimoune pa ti kapav trouve li. Recit ki ena dan Actes montré ki Jésus pa ti attire l’attention ou-soit tape tambour kan li ti monte dan le ciel; zis deux-trois disciple fidele ki ti trouve sa. La plupart dimoune pa ti rann-zot compte seki ti pé passé. Li pou pareil kan Christ retourné avek pouvoir royal en 1914.