Question Ki’nn Soulevé

◼ Eski li bon ki l’assistance tape la main apré chaque partie dan Lekol ministere theocratik ek reunion service?

Kan Jéhovah ti crée la terre, “bann zetoile gramatin ti criyé ensam dan la joie, ek tou bann garson Bondié ti commence loué Li bien fort.” (Job 38:7) Sa bann ange-la ti envie loué Bondié pou tou so creation extraordinaire, ki ti enn nouveau fason pou montré so sagesse, so bonté ek so puissance.

C’est enn bon kitsoz ki nou montré nou l’appreciation sincere pou zeffort ki nou bann frere ek soeur faire ek pou sujet ou-soit demonstration ki zot finn presenté. Par exemple, normalement nou tape la main apré bann discours ek bann sujet dan bann l’evenement special couma dan bann l’assemblée. Bann sujet ki presenté dan sa bann l’occasion-la finn demann plus le temps ek zeffort pou preparé. Kan nou tape la main, nou pa zis montré ki nou apprecié travail dur ki orateur-la finn faire, mais aussi pou l’enseignement ki Jéhovah donné a travers so Parole ek so l’organisation.—Is. 48:17; Mat. 24:45-47.

Eski nou kapav tape la main apré enn sujet dan Lekol ministere theocratik ek reunion service? Pena okenn regle ki empeche tape la main si nou faire li naturellement pou montré ki nou apprecié, couma par exemple kan enn etudiant la Bible finn faire so premier devoir dan Lekol ministere theocratik. Selman, bann applaudissement kapav facilement vinn enn routine ek perdi so signification. Ala kifer, normalement nou pa tape la main apré chaque sujet.

Mem si normalement nou pa tape la main apré chaque partie dan Lekol ministere theocratik ek reunion service, ena lezot fason ki nou kapav montré ki nou apprecié l’enseignement ek zeffort bann ki finn presente bann sujet-la. Nou kapav faire sa kan nou reste concentré ek donne tou nou l’attention bann ki presente zot sujet. Ek apré reunion nou kapav al guette personnellement dimoune-la pou felicite li pou zeffort ki li’nn faire.—Éph. 1:15, 16.