Pa abandonne l’amour ki ou ti ena au commencement
1 Jésus ti faire enn reproche congregation Éphèse ki ti existé dan premier siecle. Li ti dire zot: “Mo ena sa kont toi: c’est ki to finn abandonne l’amour ki to ti ena au commencement.” (Rév. 2:4) Apparemment, beaucoup ti’nn abandonne l’amour ki zot ti ena au commencement pou Jéhovah. Kan nou ti pé aprann la verité, nou ti developpe enn grand l’amour pou Bondié ek pou nou prochain, ek sa ti pousse nou pou partage sa l’esperance ki nou ti’nn fek aprann-la avek zèle. Ki pou empeche nou abandonne sa l’amour ki nou ti ena au commencement-la ek empeche nou perdi nou zèle dan predication?
2 L’etude personnel ek assisté bann reunion: Kan nou ti fek konn la verité, ki kitsoz ti faire nou developpe l’amour pou Bondié ek nou prochain? Eski c’est pa tou seki nou ti aprann lor Jéhovah dan nou l’etude la Bible? (1 Jean 4:16, 19) Alors, pou ki nou l’amour “contigne augmenté,” nou bizin contigne gagne la connaissance exact kan nou fouille dan “bann kitsoz profond ki concerne Bondié.”—Phil. 1:9-11; 1 Cor. 2:10.
3 Dan sa bann dernier jour ki rempli avek bann tracas ek bann kitsoz ki detourne nou l’attention-la, li kapav bien difficile pou nou garde enn bon program l’etude personnel. (2 Tim. 3:1) Nou bizin reserve enn lé-temps dan nou program pou nourri nou lor plan spirituel. Li bien important aussi ki nou assisté bann reunion regulierement, surtout kan nou “trouve jour-la pé kosté.”—Héb. 10:24, 25.
4 Nou ministere: Kan nou participe dan ministere avek zèle, sa aide nou pou garde sa l’amour ki nou ti ena au commencement-la pou Bondié. Kan nou preche la bonne nouvelle, sa faire nou rappel bann promesse ki Jéhovah inn faire avek amour. Sa aide nou aussi pou garde nou l’esperance bien clair dan nou l’esprit ek garde nou l’amour vivant. Pou kapav enseigne bann verité biblik, nou bizin faire bann recherche pou comprend seki nou pé aprann, ek sa li fortifié nou la-foi.—1 Tim. 4:15, 16.
5 Jéhovah merite tou kitsoz, parmi ena aussi nou l’amour. (Rév. 4:11) Pa laisse ou l’amour refroidi. Garde sa l’amour ki ou ti ena au commencement-la kan ou serieux dan ou l’etude personnel, ou assisté reunion regulierement, ek ou preche avek zèle seki ena plus valeur pou ou dan ou leker.—Rom. 10:10.