“Contigne suive moi”
1 La vie beaucoup dimoune tourne autour enn sel kitsoz—faire zot-mem plaisir, et pourtant souvent zot malheureux. Parkont, Jésus finn encourage nou pou pa pense zis nou tousel mais plutot pou disposé pou donné, pou ki nou kapav gagne vrai bonheur. (Actes 20:35) Li ti dire: “Si enn kikenn envie suive moi, li bizin renié li-mem . . . ek contigne suive moi.” (Marc 8:34) Sa pa vedir zis ki nou accepté pou prive nou-mem certain plaisir de temps en temps. Mais plutot ki nou bizin vive chaque jour pou faire plaisir Jéhovah, pa nou-mem.—Rom. 14:8; 15:3.
2 Anou guette l’exemple l’apotre Paul. Parski li ti koné ki connaissance lor Jésus Christ ena enn grand valeur, Paul ti laisse so bann desir ek so bann l’objectif personnel enn coté ek li ti consacré so la-vie pou favorise bann l’interet Royaume Bondié. (Phil. 3:7, 8) Li ti dire: “Moi, avek enn grand la-joie, mo pou depense [tou seki mo ena] ek mo pou donne tou mo l’energie” pou servi lezot. (2 Cor. 12:15) Alors li bon ki sakenn parmi nou demann nou-mem: ‘Couma eski mo pé servi mo lé-temps, mo la-force, mo bann capacité ek mo bann di-bien? Eski mo pé rod zis mo prop l’interet, ou-soit eski mo pé rod faire plaisir Jéhovah?’
3 Bann l’occasion kot ou kapav aide lezot: Chaque l’année, bann serviteur Bondié passe plus ki enn milliard l’heure-temps pou preche Royaume Bondié—enn travail ki kapav sap la vie bann dimoune. Dan congregation, bann jeune ek agé, toulé-deux faire different travail pou ki lezot kapav tire profit. Ena aussi beaucoup travail ki bizin faire en rapport avek bann l’assemblée, ek aussi construction ek l’entretien bann batiment ki servi pou favorise vrai l’adoration. Ek mazinn soutien ki bann frere ki travail dan comité liaison hospitalier (CLH) donné avek l’amour. Tou sa bann zeffort ki zot faire avek beaucoup sacrifice-la, zot vrai-mem enn grand benediction pou nou famille international bann frere ek soeur!—Ps. 110:3.
4 Lezot l’occasion kot nou kapav offert nou l’aide, c’est par exemple kan ena enn cyclone ou-soit kan inn organise bann secours. Mais pli souvent, nou pou zis remarké ki enn frere ou-soit enn soeur bizin l’aide ou-soit l’encouragement. (Prov. 17:17) Kan nou paré pou servi lezot ek pou favorise bann l’interet Royaume Bondié, nou pé suive l’exemple Jésus. (Phil. 2:5-8) Oui, anou faire zeffort pou contigne suive li!