Annonce

◼ Publication ki pou offert en janvier: N’importe ki livre ki’nn publié avant 1991 ki la congregation ena en stock. Bann ki pena sa bann ancien livre-la kapav presente livre L’humanité à la recherche de Dieu. Si bann dimoune refuse sa livre-la, presente brochure Contigne Veillé! en français ou-soit en créole. Février: Livre Approchez-vous de Jéhovah. Si pena sa livre-la, kapav offert livre La Révélation : le grand dénouement ou-soit enn lot ancien livre ki ena beaucoup en stock. Mars: Livre Ki la Bible enseigné vrai-mem? en français ou en créole. Faire enn zeffort special pou commence bann l’etude la Bible. Avril ek mai: La Tour de Garde ek Réveillez-vous ! Kan ou retourne visite bann dimoune ki’nn montré l’interet, visite aussi bann ki’nn assisté Mémorial ou-soit bann lezot l’evenement theocratik, mais ki pankor associé avek la congregation, faire zeffort pou commence bann l’etude dan nouveau livre Ki la Bible enseigné?

◼ En avril ena cinq week-end. Li pou enn bon l’occasion pou faire pionnier auxiliaire.

◼ A partir février, et pa pli tard ki le 5 mars, theme nouveau discours publik bann surveillant circonscription pou: “Ou kapav profite la vie dan la paix asterla ek pou toujours!”

◼ Bann congregation bizin prend bann disposition necessaire pou celebré Mémorial sa l’année-la mercredi, le 12 avril apré coucher soleil. Mem si kapav commence discours-la enn tipé avant, bizin passe bann l’embleme apré coucher soleil. Verifié avek bann l’autorité local pou koné ki l’heure soleil pou couché sa jour-la. Li bon ki chaque congregation celebré so prop Mémorial, mais parfois sa pa toujours possible. Là kot plusieurs congregation habitué servi mem la-Salle du Royaume, kitfois li pou bon ki enn ou-soit plusieurs congregation trouve lezot l’emplacement pou celebré zot Mémorial. Kot li possible, li preferable ki ena au moins 40 minute entre toulé-deux celebration. Sa pou permette l’assistance tire maximum profit. Li pou bon aussi veillé ki pena okenn problem circulation ek parking kan bann vehicule pé depose ou-soit pé ramasse bann passager. College ancien pou bizin decidé ki bann disposition ki pli bon pou zot congregation.

◼ Si ou ena l’intention al dan enn lot pays ek ou envie assisté bann reunion ou-soit enn l’assemblée, li bon ki ou demann filiale ki supervise travail dan sa pays-la bann renseignement concernant date, l’heure, ek l’adresse bann reunion ou-soit bann l’assemblée. Ou pou trouve l’adresse sa bann filiale-la dan dernier page l’Annuaire pou sa l’année-la.