Anou contigne preché
1 Nou pé vive dan enn period bien difficile. Partout nou trouve bann manifestation, bann la-guerre raciale, bann catastrophe naturel, ek lezot kitsoz terrible pé arrivé. Zordi, plus ki jamais, bann dimoune bizin tann la bonne nouvelle. Mais, beaucoup dimoune nepli interessé avek bann kitsoz spirituel. Dan certain l’endroit, kitfois li difficile pou joinde bann dimoune kot zot, ek li encore pli difficile pou joinde bann dimoune ki envie ecoute nou, ou-soit ki envie etudié la Bible. Malgré sa, li bien important ki nou contigne preche la bonne nouvelle lor Royaume ki Bondié finn etabli.—Mat. 24:14.
2 L’amour pou bann dimoune: Nou predication montré l’amour ki Jéhovah ena pou bann dimoune. “Li pa envie ki personne detruire, au contraire Li envie ki tou dimoune repenti.” (2 Pierre 3:9; Ézék. 33:11) Alors, Li finn donne l’ordre, pareil couma Jésus finn dire, ki “avant la bonne nouvelle pou bizin preché dan tou bann nation.” (Marc 13:10) Bondié pé demann bann dimoune pou tourne vers Li pou zot kapav sapé kan bientot Li pou juge le monde Satan. (Yoël 2:28, 29, 32; Tseph. 2:2, 3) Eski nou pa reconnaissant ki Jéhovah finn donne nou sa l’occasion-la?—1 Tim. 1:12, 13.
3 Rapport mondial montré ki pendant l’année service 2004, bann proclamateur ti conduire apepré 6,085,387 l’etude la Bible chaque mois ek apepré 5,000 dimoune ti baptisé chaque semaine! Certain parmi zot ti gagne contact avek la verité parski Jéhovah finn beni bann grand zeffort ki bann proclamateur finn faire pou preche avek chaque dimoune dan zot territoire. Sa finn amenn enn grand la-joie dan bann congregation. Li vrai-mem enn grand privilege pou travail ensam avek Bondié dan sa travail ki kapav sauve la vie bann dimoune!—1 Cor. 3:5, 6, 9.
4 Anou glorifié nom Bondié: Nou contigne preché parski nou envie glorifié Jéhovah devant tou dimoune, ek aussi pou sanctifié so nom lor la terre entier. (Héb. 13:15) Satan finn mette “tou bann dimoune lor la terre entier” dan l’erreur, parski li finn faire zot croire ki Bondié pena pouvoir pou resoudre bann problem ki ena lor la terre, ki Li pa prend compte souffrance bann dimoune, ou-soit ki Bondié, Li mem pa existé. (Rév. 12:9) Grace a nou predication, nou pé defann la verité lor nou Papa ki dan le ciel. Anou contigne glorifié So nom—asterla ek pou touletan.—Ps. 145:1, 2.