Révision L’école Ministère Théocratique

Nous pou examine bann questions ki lor sa feuille-la dans l’École Ministère Théocratique pendant semaine ki commence à partir le 25 Octobre 2004. Surveillant l’école pou faire enn révision pendant 30 minutes. Sa révision-la basé lor bann sujets ki ti faire à partir semaine 6 Septembre ziska 25 Octobre 2004. [Note: Kan péna okenn référence après bann questions, ou pou bizin faire ou propre recherches pou trouve bann réponse.—Guette livre École du ministère, p. 36-7.]

TECHNIQUE ORATOIRE

1. Couma nous kapav garde enn ton positif kan nous présente enn sujet lor enn aspect nou l’activité Chrétienne? [beF p. 203 par. 3-4]

2. Ki été la répétition ek kifer li important? [beF p. 206 par. 1-4]

3. Couma eski nous kapav accentué thème nou bann sujets? [beF p. 210 par. 1-5, l’encadré]

4. Couma nous kapav choisir bann points principal pou enn sujet ki nous pou présenté? [beF p. 212 par. 1-4]

5. Kifer nous bizin faire attention pou pa éna trop beaucoup points principal? [beF p. 213 par. 2-4]

EXPOSÉ NO. 1

6. Kifer li ti difficile pou bann dimoune ki ti pé vive avant Déluge, croire ki tou séki ti entoure zot ti pou fini? [wF 02 1/3 p. 5-6]

7. Bann dimoune ki ti vive dans l’époque Jésus ti appelle li “Enseignant,” pa “Guérisseur.” Ki sa montré nous? (Luc 3:12; 7:40) [wCE 02 1/5 p. 3 par. 3; p. 5 par. 5]

8. Couma eski Proverbes 11:24, 25 faire ressorti valeur enn full participation dans le ministère? [wF 02 15/7 p. 30 par. 3-5]

9. Ki question moral ti soulevé kan ti éna rébellion dans Jardin d’Éden, ek ki ti conséquences sa rébellion-la? (Gen. 3:1-6) [wCE 02 1/10 p. 5 par. 6; p. 6 par. 2-3]

10. Couma eski calcule date restauration vrai l’adoration dans Jérusalem? [siF p. 285 par. 5]

LECTURE LA BIBLE TOULÉ-SEMAINES

11. Kifer Jéhovah ti en colère avec Balaam kan li ti al avec bann zom Balak alors ki c’est Li-même ki ti dire li suive zot? (Nomb. 22:20-22)

12. Eski mari enn Chrétienne kapav cancel bann voeux ki so madame inn faire? (Nomb. 30:6-8)

13. Ki bann “villes de refuge” représenté zordi? (Nomb. 35:6) [wF 95 15/11 p. 17 par. 8]

14. Eski nous bizin prend commandement ki éna dans Deutéronome 6:6-9 pou ‘attache bann la-lois Bondié lor nou la-main ek lor nou la-tête couma enn bandeau’ dans sens littéral?

15. Eski sa l’expression “to manteau pa’nn usé lor toi” veut dire ki Jéhovah ti renouvelé stock linge bann Israélites? (Deut. 8:4)