Construction Bann Salles du Royaume—Enn Besoin Urgent
1, 2. Kifer éna enn nouveau programme de construction ek ki bann congrégations bizin garde à l’esprit?
1 Dans beaucoup pays, construction bann Salles du Royaume ti enn travail bien difficile ki ti prend beaucoup lé-temps. Certains congrégations ti bizin loué lézot places pou faire bann réunions, pendant plusieurs mois ou même plusieurs l’années, pendant ki zot la-salle ti en construction. Mais zordi, grâce à enn nouveau programme construction remarquable, bann Salles du Royaume pé construire bien-bien vite.
2 Bann congrégations bizin pa blié ki c’est enn grand travail ki pé faire dans le monde entier. Éna 90 pays ki bizin bann Salles du Royaume par milliers. À cause sa, li bien important ki nous servi bann contributions dans enn bon façon. L’objectif c’est construire bann Salles du Royaume simple, mais digne ek ki pa coûte trop cher.
3. Dans ki situation beaucoup proclamateurs Maurice ek Seychelles faire zot réunions?
3 Actuellement, à Maurice ek Seychelles, éna plusieurs ti congrégations (avec 25 à 40 proclamateurs) ki réuni kot bann frères ek soeurs ou-soit dans bann bâtiments ki zot loué. Sa bann proclamateurs-la pa kapav assisté réunion dans bann congrégations ki éna zot propre Salle du Royaume, parski péna bann moyens transport ek li trop loin. Couma eski sa programme construction-la pou aide sa bann frères-la?
4-7. Ki l’objectif Comité Construction Bann Salles du Royaume?
4 L’Objectif Bureau Construction Bann Salles du Royaume: Enn Bureau Construction bann Salles du Royaume finn crée dans Béthel à Maurice pou dirige tou bann travail construction ki éna pou faire dans le territoire. Sa Bureau-la éna responsabilité pou organise ek pou dirige sa programme construction-la, ek li travail enba direction Comité de la Filiale.
5 Sa Bureau-la pou dresse bann plans modèle (ek bann finitions) enn Salle du Royaume ki simple, approprié pou la région. C’est li ki prend aussi en considération bann matériaux ek bann méthode local. Coumsa, sa évite faire bann ti travail ki prend beaucoup lé-temps ek garde bann dépenses à enn prix ki raisonnable.
6 Sa Bureau-la kapav aussi réuni avec différents collège bann anciens. Li aide bann congrégations pou choisir enn terrain ek faire bann démarches pou acheté terrain-la. Li assure li ki’nn gagne planning tou bann travail ek l’autorisation pou construire.
7 À la fin construction, sa Bureau-la pou donne bann anciens enn formation pou zot entretenir zot la-salle.
8. Couma eski enn kikenn kapav vinn enn serviteur à plein-temps lor construction bann Salles du Royaume ou-soit enn volontaire lor construction bann Salles du Royaume?
8 L’Équipe Construction Bann Salles du Royaume: Éna enn groupe de volontaires à plein-temps ki travail enba supervision Bureau Construction Bann Salles du Royaume. Sa groupe-la aide la congrégation pendant construction. Li prépare planning sa projet-la, li dirige li, ek li veille lor bann dépenses. Dans sa groupe-la éna : (1) Bann serviteurs pou la construction bann Salles du Royaume (forme A-12). C’est bann zom (ki’nn déjà travail lor bann construction) ek bann femmes spirituel (mariés). Zot bizin disponible pou faire enn service à long-terme, ek zot éna entre 19 à 55 ans. Zot bizin éna enn bonne santé ek zot bizin kapav faire bann travail dure. Zot bizin éna au moins enn an baptême. Compte zot pareil couma bann lézot serviteurs spécial à plein-temps. (2) Bann volontaires pou la construction bann Salles du Royaume (forme A-25). C’est surtout bann frères ki disposé pou travail pendant enn courte période le temps (2 semaines à 3 mois). Zot éna entre 19 à 55 ans, ek zot éna enn bon la-santé. Zot bizin kapav faire bann travail dur ek baptisé au moins depuis enn an. Pou diminué bann dépenses logement ek transport, li préférable ki choisir bann frères ki reste près ar projet construction-la. Mais si vraiment éna enn besoin, la Filiale kapav rembourse dépenses bann volontaires pendant le temps ki zot pou travail.
9, 10. Ki bann membres enn congrégation kapav faire pou soutenir sa construction-la, ek ki bann conditions zot bizin rempli?
9 Bann Volontaires Dans la Congrégation: Tou bann membres dans la congrégation encouragé pou soutenir à fond construction zot Salle du Royaume. Kitfois ou pa kapav donne enn coup de main dans travail construction, mais eski ou kapav apporte ou l’aide dans enn l’autre façon? Par exemple eski ou kapav aidé pou prépare mangé ek servi bann repas? Eski ou kapav loge bann volontaires ou-soit lave zot linge? Bann volontaires dans la congrégation travail enba direction l’Équipe de Construction de Salles du Royaume.
10 La congrégation koné à l’avance kan la construction pou commencé. Zot koné aussi combien volontaires pou bizin ek kan pou bizin zot. Bann anciens bizin rodé ki frère éna tel ou tel capacité ek motive la congrégation pou sa construction-la. Bann membres la congrégation ki envie aidé dans sa construction-la pa bizin rempli enn application. Zot bizin éna enn bon conduite ek éna 17 ans ou-soit plus.
11. Ki nous tou nous invité pou faire?
11 Nous tou nous invité pou participe dans programme construction rapide bann Salles du Royaume. Anou soutenir entièrement sa l’arrangement théocratique-la. Anou suive bann plans ki’nn établi, ek soumette ar bann ki dirige sa travail-la.—Héb. 13:17, 1 Cor. 14:40.
[Page 4]
Bann Étapes pou Construire enn Nouveau Salle du Royaume
◼ Congrégation écrire la Filiale pou gagne l’aide. Zot décrire dans ki condition zot pé faire zot réunion, ek combien proclamateurs éna. Zot envoye bann photos. Eski éna enn besoin urgent ou-soit c’est simplement ki zot pé envie faire bann améliorations ou-soit al dans enn l’endroit ki plus convenable pou faire bann réunions?
◼ Bann représentants Bureau de Construction des Salles du Royaume faire enn réunion avec bann anciens sa congrégation-la, ek avec surveillant circonscription.
◼ Faire enn l’étude lor situation financier de la congrégation. Eski la congrégation pou kapav rembourse bann dépenses pou zot la-salle dans 10, 15 ou-soit même 20 ans? Sinon, eski zot pou passe enn résolution pou guetté combien zot kapav contribué chaque mois pou coût construction ek maintenance zot la-salle?
◼ L’Équipe de Construction de Salles du Royaume aide la congrégation pou trouve enn terrain ek rempli forme Vérifications préalables à l’achat d’un terrain pour une Salle du Royaume (CN-13).
◼ Congrégation approuve terrain ki zot finn gagné ek bann plans. Zot passe bann résolutions nécessaire.
◼ La Filiale donne l’accord final pou terrain-la ek li approuve budget sa projet-la. La congrégation acheté terrain-la ek enregistré li lor nom la Filiale. Zot faire enn planning.
◼ La congrégation soutenir entièrement sa projet-la ek participe dans maintenance zot la-salle.