Révision L’école Ministère Téocratique
Nou pou examine bann questions ki lor sa feuille-la dans l’École Ministère Théocratique pendant semaine ki commencé à partir le 28 Juin, 2004. Surveillant l’école pou faire enn révision pendant 30 minutes. Sa révision-la basé lor bann sujets ki ti faire à partir semaine 3 Mai ziska semaine 28 Juin, 2004. [Note: Kan péna okenn référence après bann questions, ou pou bizin faire ou prop recherches pou trouve bann réponses.—Guette livre École du ministère, page 36-7.]
TÉCNIQUES ORATOIRE
1. Ki kapav empêche nou koz dans enn façon naturel, ou-soit faire nou koz d’enn façon trop formel, kan nou pé présente enn sujet lor l’estrade? [beF p. 179 par. 4]
2. Si nou’lé améliore qualité nou la-voix, ki nou bizin, à part zis respire bien ek relax bann muscles ki tendus? [beF p. 181 par. 2]
3. Kan nou partage bann vérités Biblique avec lézot, ki nou kapav faire pou vinn “tou kitsoz pou tou sorte qualité dimoune”? (1 Cor. 9:20-23) [beF p. 186 par. 2-4]
4. Couma nou kapav écoute attentivement kan nou prêché? [beF p. 187]
5. Kifer li important ki nou montré respé pou tou dimoune ki nou joinde dans la prédication? [beF p. 190]
EXPOSÉ NO.1
6. Kan nou pé partage bann l’enseignements théocratique, ki l’objectif nou éna, ek ki pou aide nou atteindre sa l’objectif-la? (Mat. 5:16; Jean 7:16-18) [beF p. 56 par. 3–p. 57 par. 2]
7. Kifer li bon ki nou servi bann comparaisons kan nou enseigné, ek couma Jésus ti servi sa méthode-la? [beF p. 57 par. 3; p. 58 par. 2]
8. Contairement ar l’enseignement bann Pharisiens, couma l’enseignement Jésus ti touche léker bann dimoune? [beF p. 59 par. 2-3]
9. Couma nou kapav aide nou bann étudiants pou mette en pratique séki zot aprann, sans ki nou prend bann décisions dans zot place? [beF p. 60 par. 1-3]
10. Si enn kikenn pose nou enn question ki demann enn décision personnel, couma nou pou réponn li? [beF p. 69 par. 4-5]
LECTURE LA BIBLE TOULÉ-SEMAINES
11. Kifer Moïse ti bizin suivre de près ‘modèle tabernacle ek modèle tou kitsoz ki ti ladan’? (Ex. 25:9) [itF-2 p. 1031 par. 6]
12. Ki nou aprann ar réponse ki Aaron ti donne Moïse concernant veau d’or? (Ex. 32:24)
13. Ki nou kapav aprann ar la foi ki bann Israélites inn démontré, kan zot inn obéir l’ordre ki Jéhovah ti’nn donné en Exode 34:23, 24?
14. Kifer ti offer enn ‘sacrifice de communion’? (Lev. 3:1)
15. Couma eski cérémonie pou établi Aaron couma grand prêtre, rapporté en Lévitique 8:23, applique ar Jésus? [itF-2 p. 460 par. 4; wF 68 p. 624 par. 24]