Konstriksyon Internasyonal Bann Lasal DiRwayom dan Sertin Peyi l’Europe
1 Dan sa bann lane ki finn pase la, travay bann Temwin Zeova dan sertin peyi l’Europe ti interdi. Parmi ti ena l’Europe de l’Est. Dan laplipar ka, sa bann interdiksyon la ti byin sever. Li ti preske inposib pu servi enn Lasal DiRwayom pu fer bann reynion uvertman. Me, pa tro lontan, “Zeova finn fer enn gran kitsoz pu nu. Nu finn vinn zwaye.”—Psom 126:3.
2 Kumansman 1983, sa presyon ki ti lor bann Temwin Zeova la, finn kumans diminiye. Ver 1989, laktivite bann Temwin Zeova dan Pologne ek Hongrie finn rekonet legalman. An 1991, laktivite bann Temwin Zeova finn arezistre legalman an Russie. Depi sa, dan Russie ek dan bann lezot ex-repiblik l’Union Soviétique, travay finn kontiyne progrese. Ant Mars 1996 ek Oktob 1998, Kolez Santral, finn apruv bann lorn ki bann filyal ki okip 11 peyi l’Europe ti demande pu konstrir 359 Lasal DiRwayom.
3 Amezir u get bann zimaz dan sa sipleman la, reflesi lor bann kitsoz extraordiner ki Zeova finn fer pu so pep. (Psom 136:4) U pu kontan pu kone ki kontribisyon ki bann frer ek ser dan lemond antye finn fer, pe servi dan enn bon fason. Sa montre byin seki Zezi ti dir dan Zan 13:35: “Par sa zot tu pu kone ki zot mo bann disip, si zot ena lamur ant zot.”
4 Roumanie, li enn parmi bann peyi l’Europe ki finn profit enn laranzman ki’nn prevwar pu ranz bann Lasal DiRwayom. Depi Zilyet 2000, 36 Lasal DiRwayom finn ranze dan sa peyi la. An 2001, dan l’Ukraine, 61 Lasal DiRwayom finn ranze, ek zot finn servi enn sel model pu tu sa bann lasal la. Ek zot finn ranz 76 lasal ankor an 2002. Grasa bann donasyon Fonds spécial de la Société pour Salles du Royaume, finn kapav konstrir plizir santenn Lasal DiRwayom dan Bulgarie, Croatie, Macédoine, Moldalvie, Russie, Serbie, ek Monténégro.
5 Dan sertin peyi, li pa ti fasil pu ranz bann Lasal. Ek avan mem ki konstriksyon kumanse, finn bizin fer buku zefor. Suvan, preparasyon pu konstriksyon pran buku letan. Anplis li kut pli ser pu ranz enn Lasal DiRwayom dan sa parti l’Europe la ki dan laplipar peyi dan l’Afrique uswa Amerique du Sud. Me kantite dimunn ki ador Zeova pe ogmante dan sa bann peyi l’Europe ki ase pov la. Akoz sa, ankor tuzur bizin par santenn Lasal DiRwayom!
6 Li extraodiner pu truv enn ogmantasyon rapid dan kantite Lasal DiRwayom ki pe ranze! Sa finn donn enn bon temwaynaz dan vwazinaz, parey kuma buku lexperyans finn montre. Dan sertin landrwa, bann lotorite lokal ti byin inpresyone par latitid bann frer ki pre pu korpere pu swiv bann regleman lor konstriksyon.
7 Izai ti byin anonse ki vre ladorasyon pu konn enn gran lakrwasman dan sa lepok la. Atraver so profet, Bondye ti dir: “Mwa Zeova, mo pu akseler li dan so ler.” (Izai. 60:22) Wi, sa dis dernye lane la finn montre ki ler finn arive pu Zeova donn lakrwasman dan l’Europe de l’Est. Nu swete ki Zeova kontiyne beni bann zefor ki nu fer pu akseler konstriksyon bann Lasal DiRwayom dan sertin peyi kan nu sutenir Fonds spécial de la Société pour Salles du Royaume ! Kumsa, pu kapav ena ankor enn kantite Lasal DiRwayom dan bann peyi ase pov. Grasa sa, vre ladorasyon pu konn enn lakrwasman dan sertin parti l’Europe, ek sa pu donn enn gran temwaynaz “ziska dan but later.”—Akt 13:47.
[Zimage lor page 3]
Konplex Lasal DiRwayom Moscou, Russie
[Zimage lor page 4-6]
Bann Nuvo Lasal dan l’Europe de l’Est
Strumica, Macédoine
Daruvar, Croatie
Bitola, Macédoine
Sokal, Distrik Lviv, Ukraine
Mladost, Bulgarie
Plovdiv, Bulgarie
Krasnooktyabskiy, Rezyon Maykop, Russie
Bački Petrovac, Serbie ek Monténégro
Tloumach, Distrik Ivano-Frankivsk, Ukraine
Rava-Ruska Disktrik Lviv, Ukraine
Stara Pazova, Serbie ek Monténégro
Zenica, Bosnie ek Herzégovine
Sokal, Distrik Lviv, Ukraine
Jydachiv, Distrik Lviv, Ukraine