Revizyon Lekol Minister Teokratik
Nu pu egzaminn bann kestyon ki lor sa fey la dan Lekol Minister Teokratik pandan semenn ki kumanse apartir le 28 Avril, 2003. Sirveyan lekol pu fer enn revizyon pandan 30–minit. Sa revizyon la baze lor bann size ki ti fer apartir semenn 3 Mars ziska semenn 28 Avril, 2003. [Not: Kan pena okenn referans apre bann kestyon, u pu bizin fer u prop resers pu truv bann repons.—Get liv École du ministère, paz. 36-7.]
KALITE KI ENN ORATER BIZIN DEVLOPE
1. Ki kitsoz kapav anpes enn kikenn pu koz avek fasilite? [beF p. 93]
2. Vre Uswa Fos:Bizin evite fer bann poz parski sa kapav donn lokazyon bann dimunn pu pans lezot kitsoz ek pu interonp nu. Explike.
3. Kifer li inportan ki enn orater uswa enn kikenn ki pe lir an piblik met lanfaz lor bann mo inportan? (Nee. 8:8) [beF paz 101]
4. Kuma enn kikenn kapav aprann pu met lanfaz lor bann mo inportan? [beF paz 102-3]
5. Kan enn kikenn lir for dan enn piblikasyon, pandan enn letid Labib uswa pandan enn reynion, lor ki bann lide prinsipal li bizin met lanfaz? [beF paz 105]
DEVWAR NO. 1
6. Ki bann paran kapav fer pu form zot zanfan “pu zot ekute ek pu zot aprann” pandan bann reynion? (Det. 31:12) [beF paz 16]
7. Ki paradi spirityel vedir? [wF 01 1/3 paz 8-10]
8. Kuma eski Proverb 8:1-3 montre ki ninport kisannla kapav gayn sazes ki Bondye done, ek dapre Kolosyin 2:3, kot nu kapav truv sa sazes la? [wF 01 15/3 paz 25, 28]
9. Kuma eski nu kapav fer konn non Bondye? (Zan 17:6) [beF paz 273-5]
10. Ki bann detay inportan konsernan “labonn nuvel lor rwayom” Bondye, bann dimunn bizin kone? (Mat. 24:14) [beF paz 279-80]
LEKTIR LABIB TULESEMENN
11. (a) Dan premye syek, ki sa “kitsoz degutan” ki mansyone dan Mark 13:14 la, ti reprezante? (b) Sa “plas kot li pa bizin ete la,” ti fer referans avek ki kitsoz?
12. Kuma Levanzil Lik montre ki Zezi ti enn eritye tronn David? (Lik 3:23-38) [wF 92 1/10 paz 9 par. 3]
13. Ki sinifikasyon bann parol mansyone par Zezi dan Lik 12:2?
14. Dan legzanp Zezi konsernan enn pyes drakm ki’nn perdi, kifer fason ki bann anz inn reazir, li extraordiner? (Lik 15:10) Kuma eski zot legzanp bizin inflyans nu?
15. Ki de lalyans ki mansyone dan Lik 22:29?