Anons

◼ Piblikasyon ki pu ofer an Zanvye: L’humanité à la recherche de Dieu. Fevriye: Approchez-vous de Jéhovah. Mars: liv Konesans Ki Amenn ver Lavi pu Tuletan, ek bizin fer zefor pu kumans bann letid Labib. Avril ek Me: prezant Latur Degard ek Réveillez-vous ! Kan vizit bann dimunn ki interese pa bliye vizit bann ki ti asiste swa Memoryal swa enn lot levennman ubyin ki ti asiste tulede, me ki pa frekant kongregasyon. Fer zefor pu plas liv Ador Sel Vre Bondye. Bizin fer zefor usi pu kumans bann letid Labib dan sa liv la, sirtu avek bann dimunn ki’nn fini etidye liv Konesans ek brosir Ki Bondye Pe Demann Nu?

◼ Apartir Fevriye, ek pa pli tar ki 2 Mars, tem nuvo diskur piblik bann sirveyan sirkonskripsyon pu “Delivre dan enn Lemond Ki dan Nwarte.”

◼ Bann kongregasyon bizin fer laranzman ki bizin pu selebre Memoryal sa lane la, Merkredi, 16 Avril, apre kuse soley. Mem si kapav kumans diskur avan, me, bizin kumans pas bann lanblem apre kuse soley, setadir apre 5:58 p.m. Li ti pu bon si sak kongregasyon ti kapav selebre so prop Memoryal, me sa pa tuzur posib. Si plizir kongregasyon abitye servi mem Lasal DiRwayom, kitfwa pu sa sware la, enn uswa detrwa sa bann kongregasyon la kapav lwe lezot lasal. Sinon, otan ki posib, nu ti pu sigzere ki ena omwin 40 minit ant sak program, pu ki tu dimunn kapav profit byin sa lokazyon la. Bizin pran kont sirkilasyon ek parking bann veykil. Pran kont bann ki pe depoze uswa pe ramas pasaze usi. Kolez ansyin bizin deside ki pli bon laranzman zot kapav fer pu zot landrwa.

◼ Apartir sa nimero Nu Minister DiRwayom la, lalis bann nuvo piblikasyon pu nepli paret dan bann nimero Nu Minister DiRwayom. Kan se neseser, Lasosyete pu anvway tu bann kongregasyon “Anons pu Tu Bann Kongregasyon.” Pa bliye, enn fwa ki bann kongregasyon gayn “Anons pu Tu Bann Kongregasyon,” bizin fer enn lanons dan prosin Reynion Servis konsernan sertin piblikasyon ki kongregasyon kitfwa interese pu gayne. Lerla kapav afis sa anons la lor tablo. Apre sa, responsab piblikasyon bizin klas li dan so dosye.