Revizyon Lekol Minister Teokratik

Revizyon san servi liv, lor bann size ki finn egzamine dan Lekol Minister Teokratik depi semenn apartir 2 Septam ziska 23 Desam, 2002. Reponn kantite kestyon ki u kapav dan letan ki finn rezerve pu sa ek ekrir u bann repons lor enn fey papye separe.

[Not: Pandan revizyon ekrir, u gayn drwa servi zis Labib pu reponn bann kestyon. Apre bann kestyon ena bann referans ki u kapav servi pu u resers personel. Pu bann referans Latur Degard, parfwa nimero paz ek paragraf pa site.]

Reponn sak kestyon par Vre uswa Fos:

1. Enn fason byin inportan pu vinn pros ar Zeova, se reflesi lor so bann kalite extraordiner. (Psom 143:5) [wF 00 15/10 p. 4 par. 6]

2. Dan Ezekyel 37:15-24, nu lir ki Ezekyel ti gayn lord pu fer de baton vinn enn sel. Sa ena enn sinifikasyon pu nu lepok. Avredir, an 1919 bann manb 144,000 fidel ki lor later ti vinn enn sel anba direksyon Kris, zot “sel lerwa” ek “sel berze.” [Lektir Labib Tulesemenn; get wF 88 15/9 p. 25 par. 13.]

3. Bann ki etidye bann liv Labib pu fer bann kritik (La haute critique), ti met bann dut lor seki rakonte dan liv Danyel. Me bann dekuvert ki larkeolozi finn fer, finn efas tu sa bann dut la. [siF p. 139 par. 4]

4. Kan nu tann enn kitsoz avek enn kikenn ki ena enn sertenn lotorite uswa ki pretann li ena enn gran konesans, nu sir ki seki li pe dir, vre. [wF 00 1/12 p. 29 par. 7-8]

5. Nu apel dernye 12 liv Lekritir Ebre, liv “bann ti profet” parski zot ena mwins linportans ki lezot. [siF p. 143 par. 1]

6. Amos ti enn “parmi bann garson bann profet” kan Zeova ti apel li pu fer li al profetiz lor Zida ek Izrael. (2 Ler. 2:3) [siF p. 148 par. 1]

7. Obadya 16 anonse ki lepep Edom pu disparet net antan ki nasyon parski zot finn ena laenn pu Zida. (Oba. 12) [Lektir Labib Tulesemenn; get wF 89 15/4 p. 30 lankadre.]

8. “Langaz pir” ki mansyone dan Sefanya 3:9 inplik ki nu konpran byin laverite lor Bondye ek so bann lintansyon. [Lektir Labib Tulesemenn; get wF 01 15/2 p. 27 par. 18.]

9. Si Zezi ti resanti enn gran langwas dan zardin Zetsemane, se parski li ti trakase lor fason ki so lamor kuma enn kriminel, ti pu afekte Zeova ek So non sakre. (Mat. 26:38; Lik 22:44) [wF 00 15/11 p. 23 par. 1]

10. Zekarya 9:6, 7 dekrir enn “Filistin” ki vinn “kuma enn sef dan Zida.” Avredir, sa profesi la pe dekrir bann manb lezot muton ki pe forme par “esklav fidel” ek ki pe gayn lotorite ki bizin. (Mat. 24:45) [Lektir Labib Tulesemenn; get wF 95 1/7 p. 23 par. 14.]

Reponn sa bann kestyon la:

11. Kuma eski nu kapav konpar responsabilite ki nu ena pu prese, ar responsabilite ki Ezekyel ti ena pu veye? (Eze. 33:1-11) [Lektir Labib Tulesemenn; get wF 88 1/1 p. 28 par. 13.]

12. Dan so vizyon, Ezekyel ti truv bann lezo desese. Kuma sa finn realize dan nu lepok? (Eze. 37:5-10) [Lektir Labib Tulesemenn; get wF 88 15/9 p. 24 par. 12.]

13. Ki pli gran prev ki liv Zekarya inspire par Bondye? [siF p. 169 par. 5]

14. Ki sa lavil ki Ezekyel ti truve dan vizyon la, reprezante? (Eze. 48:15-17) [Lektir Labib Tulesemenn; get wF 99 1/3 p. 18 par. 22.]

15. Kan nu reflesi lor seki finn ekrir dan Izai 2:2-4, kifer eski nu kapav dir ki seki pe pase dan peyi Izrael zordi, pa pe vremem realiz profesi Labib? [rsF p. 217 par. 2]

16. Lerwa Med ti pas enn lalwa kot personn pa ti gayn drwa priye okenn bondye uswa okenn zom, apart lerwa, pandan 30 zur. Ki nu aprann ar fason ki Danyel ti reazir devan sa lalwa la? (Dan. 6:7-10) [Lektir Labib Tulesemenn; get dpF p. 125 par. 25-p. 126 par. 28.]

17. Bann manb 144,000 ki reste lor later pe anons enn mesaz ki fer zot resanble enn lyon parmi bann nasyon. Ki sa mesaz la sa? (Mika 5:8) [Lektir Labib Tulesemenn; get wF 81 15/10 p. 23 par. 10.]

18. Dan Abakuk 3:14, ena sa lexpresyon la, “avek so bann prop baton, to’nn pers latet so bann gerye.” Ki sa vedir? [Lektir Labib Tulesemenn; get wF 00 1/2 p. 22 par. 15; wF 81 1/11 p. 29 par. 6-7.]

19. Kan Sefanya 2:3 dir “kapav lerla” (sans doute) ki sa vedir? [Lektir Labib Tulesemenn; get wF 01 15/2 p. 19 par. 8.]

20. Dapre Zekarya 8:6, kuma eski depi 1919 Zeova finn fer bann kitsoz ki ti pu paret tro difisil pu bann dimunn? [Lektir Labib Tulesemenn; get wF 96 1/1 p. 16 par. 18-19.]

Ranpli bann lespas vid avek bann mo uswa fraz ki bizin:

21. Nu koz ar Zeova par mwayin ․․․․․․․․. Se enn fason ki nu ador Li. An retur, mwayin prinsipal ki Zeova servi pu koz ar nu se so ․․․․․․․․. (Psom 65:2; 2 Tim. 3:16) [wF 00 15/10 p. 5 par. 2-3]

22. Kan konpar Zid 9 avek 1 Tesalonisyin 4:16 (Revised Standard), nu kapav dir ki Mikael se Zezi Kris. Dan premye Tesalonisyin 4:16, ena lexpresyon “․․․․․․․․”; pu dekrir lord ki Zezi pu done pu ki rezireksyon kumanse. Ek pwiski Mikael vedir “․․․․․․․․ ․․․․․․․․,” sa montre byin ki se Zezi ki pran latet pu defann drwa ki so Papa ena pu reyn lor later ek se li ki pu detrir bann lennmi Bondye. [rsF p. 211 par. 4-p. 212 par. 1]

23. Kan “parol ti sorti pu retabli ek reranz Zerizalem” an ․․․․․․․․, 69 semenn lane ti kumanse, ek sa ti fini kan Mesi ti paret dan lane ․․․․․․․․. (Dan. 9:25) [Lektir Labib Tulesemenn; get dpF p. 190 par. 20–​p. 191 par. 22.]

24. Kan Yoel 2:31 dir ki soley pu vinn nwar, li ena mem lide ki Matye 24:29, 30, kot ․․․․․․․․ montre ki li pu vini kuma sa Garson ki’nn ne kuma enn zom lor later la, ․․․․․․․․. [siF p. 148 par. 13]

25. Dan so profesi, ․․․․․․․․ koz lor Lasiri ek so kapital ․․․․․․․․. Sa profesi la atir nu latansyon lor lazistis ek grander Zeova ek li donn nu lasirans ki Zeova pu ziz tu bann move. [siF p. 160 par. 11]

Swazir bon repons dan sa bann fraz la:

26. Liv Ezekyel fer byin resorti ki Zeova (bonker; ena limilite; sin) ek ki seki pli inportan ki tu, se (devlop nu personalite; sanktifye non Zeova; vinn enn bon prosin.) [siF p. 138 par. 33]

27. Ezekyel ki ti viv mem lepok ki Danyel konfirme ki Danyel ti vremem egziste kan li sit li ansam avek (Noe ek Zob; Moiz ek Zozye; Eliya ek Elisa). [siF p. 138 par. 2]

28. An akor avek Danyel 2:34, 35, 45, sa ros ki tap ar zimaz ek kraz li la reprezant (Armagedonn; bann mesaz dir ki lepep Bondye pe proklame; Rwayom kot Mesi Lerwa). [siF p. 142 par. 20-p. 143 par. 23]

29. Larme sotrel ki mansyone dan Yoel 1:4-6 reprezant (nasyon Izrael; bann Kretyin ki’nn swazire pu al viv dan lesyel; bann larme Romin). (Akt 2:1, 14-17) [Lektir Labib Tulesemenn; get wF 98 1/5 p. 9 par. 9.]

30. “Rwayom Garson ki Li kontan” mansyone dan Kolosyin 1:13, se (Rwayom kot Mesi Lerwa; Direksyon Kris lor kongregasyon Kretyin depi Lapantkot lane 33 N.L.; Reyn Mil An Kris). [rsF p. 341 par. 4]

Asosye sa bann verse la avek bann lide ki ena anba:

Osea 6:6; Yoel 2:32; Zek. 4:6, 7; 13:3; Rom. 12:2

31. Fode pa nu les bann tradisyon kiltirel uswa sosyal inflyans nu rezonnman. [wF 00 1/11 p. 21 par. 5]

32. Se pa enn kantite sakrifis ki nu ofer zis par form ki fer plezir Zeova, me se kan nu montre nu lamur fidel parski nu konn Li. [Lektir Labib Tulesemenn; get siF p. 145 par. 16.]

33. Konn sa Kikenn ki port sa non Zeova la, respekte Li ek kont lor Li, tusala inportan pu nu sove. [Lektir Labib Tulesemenn; get wF 89 15/3 p. 30 lankadre.]

34. Bondye realiz so proze, pa par lafors okenn dimunn, me par so lespri ki permet so bann serviter fer fas ar bann gran-gran leprev ek persevere dan so servis. [siF p. 168 par. 2]

35. Latasman fidel ki nu ena ar lorganizasyon Zeova buku pli for ki tu relasyon ki bann dimunn kapav ena ant zot, mem ki relasyon ki ena ant bann fami byin pros. [siF p. 171 par. 24]