Revizyon Lekol Minister Teokratik

Revizyon san servi liv, lor bann size ki finn egzamine dan Lekol Minister Teokratik depi semenn apartir 6 Me ziska 19 Ut, 2002. Reponn kantite kestyon ki u kapav dan letan ki finn rezerve pu sa, ek ekrir u bann repons lor enn fey papye separe.

[Not: Pandan revizyon, u gayn drwa servi zis Labib pu reponn bann kestyon. Apre bann kestyon, ena bann referans ki u kapav servi pu u resers personel. Pu bann referans Latur Degard, parfwa nimero paz ek paragraf pa site.]

Reponn sak kestyon par Vre uswa Fos:

1. Zeremi 18:1-6 montre ki Zeova fer dimunn fer bann kitsoz kont zot volonte. [Lektir Labib tulesemenn; get wF 99 1/4 paz 22 par. 3-4.]

2. Bann fos profet ti kokin lafors bann parol Bondye ek linflyans ki sa bann parol la ti kapav ena lor bann ki ti ekut sa, kan zot ti ankuraz lepep pu ekut bann mansonz, olye vre warning ki Bondye ti done. (Zer. 23:30) [Lektir Labib tulesemenn; get wF 92 1/2 paz 4 par. 3.]

3. Dan Zeremi 25:15, 16, “sa kup divin gran koler” ki fer “tu bann nasyon . . . azir kuma bann zom fu” fer referans ar move lefe fos relizyon. [Lektir Labib tulesemenn; get wF 94 1/3 paz 20 par. 13.]

4. Dapre fason ki Matye finn aplik profesi Zeremi, “peyi lennmi” reprezant peyi lamor, kot bann zenn zanfan ki lerwa Erod Legran ti tuye, pu resisite. (Zer. 31:15, 16; Mat. 2:17, 18) [Lektir Labib tulesemenn; get wF 79 1/10 paz19 par. 13.]

5. Zeremi 37:21 donn nu lasirans ki Zeova kapav sutenir so bann fidel serviter dan bann moman ekonomik difisil. [Lektir Labib tulesemenn; get wF 97 15/9 paz 3 par. 4–paz 4 par. 2.]

6. Liv Lamantasyon exprim gran sagrin lor destriksyon Zerizalem an 607 A.N.L. par Nebukadnetsar, lerwa Babilonn. [siF paz 130 par. 1]

7. Lamantasyon 5:7 montre klerman ki Zeova pini direkteman bann zanfan pu pese zot bann paran. [Lektir Labib tulesemenn; get wF 88 1/9 paz 27 lankadre.]

8. Mark lor fron ki Ezekyel 9:4 mansyone vedir ki konesans tusel pu sap enn dimunn. [Lektir Labib tulesemenn; get wF 88 15/9 paz 14 par. 18.]

9. “Don bann zom” ki mansyone dan Efezyin 4:8, zot bann sirveyan Kretyin, ki nome par lespri sin ek ki gayn lotorite pu pran swin byinet spirityel zot bann konpaynon krwayan. (Akt 20:28) [wF 00 1/8 paz 6 par. 3]

10. Dan laplikasyon modern Ezekyel sapit 23, relizyon Protestan kapav konpare ar Ooliba ek relizyon Katolik Romin, ar so pli gran ser Oola. [Lektir Labib tulesemenn; get wF 88 15/9 paz 21 par. 22.]

Reponn sa bann kestyon la:

11. Ki trwa profet ti pli remarkab pandan bann lane kritik ant 617 ek 607 A.N.L., ki ti termine avek destriksyon Zerizalem? [si paz 133 par. 2]

12. Kuma eski nu montre vre lapresyasyon pu sakrifis ranson Kris, an repons pu linvitasyon ki nu truve dan Lik 9:23? [wF 00 15/3 paz 8 par. 1]

13. Dan ki fason Zeova ti ‘tronp’ Zeremi? (Zer. 20:7) [Lektir Labib tulesemenn; get wF 89 1/5 paz 31 par. 6.]

14. Ki Zezi ti rod dir kan li ti dir ki lespri sin “pu anseyn zot sa bann kitsoz la ek li pu rapel zot bann kitsoz ki mo ti dir zot”? (Zan 14:26) [wF 00 1/4 paz 8 par. 7-8]

15. Dapre Zeremi 35:18, 19, ki lesperans ena pu grup Rekabit modern? [Lektir Labib tulesemenn; get suF paz 131 par. 7.]

16. Dan ki bann fason bann Nefilim ti “bann zom for” ek “bann zom ki ti byin renome”? (Zen. 6:4) [wF 00 15/4 paz 27 par. 9]

17. Kuma eski Baruk ti perdi so lekilib spirityel, ek ki leson nu kapav tire dan so lexperyans? (Zer. 45:1-5) [Lektir Labib tulesemenn; get wF 97 15/8 paz 21 par. 14-16.]

18. Kan ek kuma profesi ki truv dan Zeremi 50:38 ti akonpli? [Lektir Labib tulesemenn; get dpF paz 150 par. 2-3.]

19. Dapre Lamantasyon 1:15, ki sor Zerizalem, “tifi Zida, ki vyerz,” ti gayne, sinifi pu Lakretyinte? [Lektir Labib tulesemenn; get wF 88 1/9 paz 27 lankadre.]

20. Ki sinifikasyon sa deklarasyon “Tir tirban, ek anlev kuronn,” ki nu truve dan Ezekyel 21:26? [Lektir Labib tulesemenn; get wF 88 15/9 paz 19 par. 16.]

Ranpli bann lespas vid avek bann mo uswa fraz ki bizin:

21. Enn dimunn modes res dan ․․․․․․․․ bon ․․․․․․․․ ek li rekonet ki ena ․․․․․․․․ ar seki li an drwa fer uswa li kapav fer. (Mika 6:8) [wF 00 15/3 paz 21 par. 1-2]

22. Mem si lespri sin pa kapav fer nu bann ․․․․․․․․ uswa nu bann ․․․․․․․․ disparet, li kapav ed nu pu ․․․․․․․․ zot. (1 Kor. 10:13; 2 Kor. 4:7) [wF 00 1/4 paz 11 par. 6]

23. Profet Danyel ti diserne grasa seki Zeremi ti ekrir ki dezolasyon Zerizalem ti pu dir ․․․․․․․․; sa fason egzak ki sa finn realize la fortifye lafwa dan puvwar ․․․․․․․․ Zeova. (Zer. 25:12; Dan. 9:2) [siF paz 129 par. 37]

24. Liv Lamantasyon bizin insit tu bann vre adorater pu ena ․․․․․․․․ ek ․․․․․․․․ ek servi kuma enn warning ․․․․․․․․ pu bann ki mank respe anver Bondye Zeova. [siF paz 132 par. 13]

25. Legzanp Abraam ki ti sede kan li ti ena pu regle enn problem, ankuraz nu pu pa les nu ․․․․․․․․ uswa nu ․․․․․․․․ gat nu bann relasyon presye avek nu bann frer. (Zen. 13:5-12) [wF 00 15/8 paz 24 par. 3-4]

Swazir bon repons dan sa bann fraz la:

26. Zob ti atas buku pri ar (konesans; mizerikord; zizman) Zeova ek lerla li ti azir avek (disernman; mizerikord; zistis) avek so bann esklav. (Zob 31:13, 14) [wF 00 15/3 paz 26 par. 1]

27. An Zeremi 16:2-4, profet la ti gayn lord pu res selibater (pu montre so lespri sakrifis; pu reprezant lavi selibater Mesi; pu konfirme ki parol Zeova konsernan destriksyon Zerizalem li vre). [Lektir Labib tulesemenn; get wF 78 15/7 paz 30 par. 7.]

28. Proverb 4:7 dekrir lasazes kuma (kan konn bann ranseynman; kan truve ki relasyon ena ant bann ranseynman; kan servi konesans ek konpreansyon). [wF 00 15/5 paz 21 par. 1]

29. Personn pa kapav sir san pursan kuma ti pronons non Bondye dan lang Ebre parski dan bann letan kan ti ekrir Labib, bann Ebre ti ekrir zot lang avek (selman vwayel; selman konsonn). [rsF paz 198 par. 1]

30. Sar Bondye ki dekrir dan Ezekyel sapit 1, reprezant (Rwayom Mesyanik Bondye; lorganizasyon spirityel Zeova kot ena bann anz; kominikasyon ki Zeova ena avek bann leres 144,000). [Lektir Labib tulesemenn; get wF 88 15/9 paz 11 par. 5.]

Asosye sa bann verse la avek bann lide ki ena anba:

Det. 7:25, 26; Pro. 4:18; 5:21; Zer. 46:28; Rom. 15:4

31. Sa lord la donn nu enn model pu nu kone kuma pep Zeova bizin konsider tu zimaz ki zot ti kapav finn adore dan lepase. [rsF p. 189 par. 5]

32. Enn fason partikilye par ki Zeova donn konsolasyon, se par so Parol ki Li’nn fer ekrir ek ki ena enn lesperans extraordiner pu lavenir. [wF 00 15/4 paz 5 par. 4]

33. Disiplinn bann paran bizin pa depas bann limit rezonab ni li depas bi koreksyon ek lanseynman. [Lektir Labib tulesemenn; get klF paz 148 par. 20.]

34. Pwiski Zeova permet ki so bann serviter konpran so proze dan enn fason progresif, amezir nu konesans grandi, nu bizin suvan sanz nu fason panse. [rsF paz 400 par. 1]

35. Tu aksyon sexyel inpir, mem ki kantite sekre li sekre, li pa kasyet devan lizye Bondye. [wF 00 15/7 paz 31 par. 3]