Anons

◼ Piblikasyon ki pu prezante an Fevriye: La vie: comment est-elle apparue? Évolution ou création?, La Révélation: le grand dénouement est proche! uswa ninport ki ansyin liv 192 paz ki kongregasyon ena dan stok. Mars: Konesans ki Amenn ver Lavi pu Tuletan an Franse ek an Kreol. Nu pu fer enn zefor spesyal pu kumans bann letid Labib. Avril ek Me: Latur Degard ek Réveillez-vous! Si ena bann dimunn ki montre lintere dan bann vizit, kapav propoz pu kit bann peryodik regilyerman kot zot. Prezant brosir Ki Bondye Pe Demann Nu?, avek lintansyon pu kumans bann letid Labib.

◼ Labonnman par lapos: Kan zot zwenn bann dimunn interese, bann proklamater ankuraze pu propoz pu vinn kit bann peryodik regilyerman kot zot, olye ki zot propoz labonnman. Nu propoz labonnman zis ar bann dimunn ki res dan bann landrwa byin retire ek ki pa gayn kontak avek enn kongregasyon. Bann proklamater zot mem, zot ankuraze pu pran zot peryodik dan kongregasyon. Nu lobzektif prinsipal se fer sir ki tu dimunn gayn bann nimero peryodik fasilman. (Mat. 24:45-47) Avek sa bann dispozisyon la, tu dimunn kapav gayn bann peryodik, ninport ki kote zot reste. An mem tan, sa permet fer lekonomi larzan, letan ek zefor ki depanse lor la.

◼ Sirveyan prezidan uswa enn lot kikenn ki li finn swazire bizin verifye kont kongregasyon le 1 Mars uswa pli vit posib apre sa dat la. Kan fini verifye, fer enn anons devan kongregasyon apre lektir prosin rapor kont.

◼ Fer atansyon bann prosedir malonet ki pe sirkile lor Internet ek par let pu demann larzan pu nu bann frer, pu swadizan ed bann viktim katastrof. Pu aviz bann frer responsab si zame bizin form enn komite sekur pu ed bann Temwin Zeova lor plan materyel. Si u’le, u kapav avoy bann donasyon pu sa bann bezwin la Filyal Moris, Rue Baissac, Petit Verger, Pointe aux Sables.

◼ Sekreter ek sirveyan servis bizin reget laktivite bann pyonye permanan. Bann ansyin bizin fer bann laranzman pu ed bann ki pe gayn difikilte pu gayn zot ler. Pu bann sigzesyon, reget bann let S-201 ki Lasosyete avoye tulelane. Get usi sipleman Nu Minister DiRwayom Septam 1986, paragraf 12-20.

◼ Sekreter bizin fer sir ki Komite Konstriksyon Rezyonal ena bann ranseynman ki azur lor bann proklamater batize ki finn ranpli enn form Kestyoner Travayer Volonter Lasal DiRwayom (S-82). Si ena bann sanzman, par egzanp enn volonter finn nome serviter ministeryel, uswa ansyin, bizin ranpli enn nuvo form ek remet sa komite konstriksyon san tarde. Si enn volonter sanz ladres uswa nimero telefonn, uswa li nepli ena enn bon repitasyon dan kongregasyon, bann ansyin bizin fer Komite Konstriksyon Rezyonal kone deswit.

◼ Diskur spesyal pu peryod Memoryal 2002 pu fer Dimans, le 14 Avril. Tem diskur la li, “Gard Byin dan Lespri sa ‘Zur Ki Fer Per’ la!” Pu gayn plan diskur la apre. Si sa wikenn la, ena kongregasyon pu dan semenn spesyal, uswa zot pu asiste lasanble spesyal ubyin sirkonskripsyon, zot pu bizin fer zot diskur spesyal semenn apre. Okenn kongregasyon pa pu fer diskur spesyal avan 14 Avril, 2002.

◼ Nuvo Piblikasyon Ki Ena:

Ki Bondye Pe Demann Nu?—an Kreol Morisyin

Eski U Ti Pu Kontan Konn Plis lor Labib? (Trak No. 26)—an Franse