Ki Pu Dir lor Bann Magazinn

La Tour de Garde 15 Sept.

“Dan preske tu relizyon ena bann dimunn ki kontan laverite. Purtan, bann relizyon an zeneral ena tandans pu diviz bann dimunn. Ki ti bizin fer pu ki bann dimunn sinser viv dan linite? [Apre ki dimunn la finn donn enn repons, lir Sefanya 3:9.] Sa magazinn la montre kuma konesans vre Bondye pe fer dimunn partu viv dan linite.”

Réveillez-vous! 22 Sept.

“Laplipar parmi nu, nu sipoze ki sirman tuletan pu ena manze an abondans. Me asterla buku pe trakase pangar lasyans met nu stok manze an danze. Sa magazinn la explik detrwa sa bann traka la ek usi lesperans ki Labib done ki pu ena enn vre solisyon pu sa problem la.”

La Tour de Garde 1 Okt.

“Kitfwa u pu dakor ki lafwa dan Bondye nepli enn size ki buku dimunn apresye. Me kifer eski sa kumsa? [Apre ki dimunn la finn donn enn repons, lir Ebre 11:1.] Sa magazinn la explike seki vre lafwa ete ek ki diferans sa fer, ki nu ena lafwa uswa nu pena.”

Réveillez-vous! 8 Okt.

“Kuma u kone, Alowinn li enn fet byin an vog, mem dan Moris, ek buku zanfan kontan sa fet la. Eski u finn deza gayn lokazyon pu aprann kone ki so lorizinn? [Les dimunn la reponn.] U pu truve ki li interesan pu lir lor sa size la, sirtu si u enn paran ki trakase pu u zanfan.”