Anons

◼ Piblikasyon pu prezante an Mars: La connaissance qui mène à la vie éternelle. Nu pu fer enn zefor spesyal pu kapav kumans bann letid Labib. Avril ek Me: Magazinn La Tour de Garde ek Réveillez-vous ! Si ena dimunn montre lintere dan bann vizit, kapav propoz pu vinn kit bann magazinn regilyerman kot zot. Prezant liv Connaissance, uswa brosir Ki Bondye Pe Demann Nu?, avek lintansyon pu kumans bann letid Labib. Zin: Ki Bondye Pe Demann Nu? Uswa La connaissance qui mène à la vie éternelle. Met lanfaz pu kumans bann letid Labib.

◼ Bann proklamater ki swete fer pyonye asistan an Avril bizin fer zot program depi asterla mem ek zot bizin ranpli zot form boner. Sa pu ed bann ansyin pu organiz bann sorti predikasyon ek pu veye ki ena ase magazinn ek piblikasyon dan stok. Bizin anons devan kongregasyon non bann proklamater ki pyonye asistan.

◼ Bann proklamater ki, akoz nu relizyon, ena bann zafer lakur konsernan drwa pu gard bann zanfan ek drwa vizit kapav gayn led enn dosye legal. Konsey bann ansyin bizin fer enn demann pu gayn sa dosye la, si zot truve klerman ki bann krwayans relizye enn proklamater ankoz. Pu bann lezot ki pe fer fas bann prose konsernan drwa gard zanfan uswa drwa vizite, zot kapav gayn bann ranseynman inportan dan Réveillez-vous ! 8 Desam 1997, paz 3-12; dan Réveillez-vous ! 22 Oktob, 1988, paz 2-14; ek tablo dan Réveillez-vous ! 22 Avril 1991, paz 9.

◼ Tu bann proklamater batize ki pu prezan dan reynion servis semenn le 12 Mars pu gayn kart “Instructions médicales/Attestation prévisionelle” ek bann “Document Identité” pu zot zanfan.

◼ Prosin zurne spesyal kot pu plas bann magazinn dan nu bann zil pu fer Samdi, le 19 Me, 2001.

◼ Reynion spesyal pu 2001 pu fer Dimans 1 Avril, 2001. Tem diskur la li, “Kisannla ki Kapav Sape?” Si wikenn 1 Avril, 2001, ena kongregasyon pu dan vizit Sirveyan Rezyonal, uswa zot pu asiste lasanble rezyonal, zot bizin program zot diskur Dimans le 15 Avril, 2001. Bann kongregasyon ki pa fer reynion Dimans bizin program zot reynion spesyal dan peryod 2-7 Avril.

◼ Sirveyan prezidan uswa enn dimunn ki li finn swazire pu bizin verifye kont kongregasyon le 1 Avril, uswa pli vit posib apre sa dat la. Kan fini verifye, fer enn anons devan kongregasyon.

◼ Sa lane la, pu selebre Memoryal Dimans le 8 Avril, 2001. Sa zur la, pa pu fer okenn reynion apart reynion predikasyon. Bann ansyin kapav fer bann laranzman pu fer Letid La Tour de Garde enn lot zur. Bann sirveyan rezyonal pu bizin sanz zot program pu sa zur la. Bann kongregasyon bizin fer bann laranzman neseser pu selebre Memoryal apre kuse soley. Mem si diskur la kapav kumanse avan, bizin kumans pas dipin ek divin apre kuse soley. Li ti pu bon si sak kongregasyon ti kapav selebre Memoryal separe. Me si plizir kongregasyon abitye servi mem Lasal Rwayom, kitfwa pu sa sware la, enn uswa detrwa sa bann kongregasyon la kapav truv enn lot mwayin. Sinon, otan ki posib, nu ti pu sigzere ki ena omwin 40 minit ant sak program, pu ki tu dimunn kapav profit byin sa lokazyon la, ek kumsa zot kapav usi zwenn bann viziter ek ankuraz bann nuvo. Bizin usi pran kont parking bann veykil, ek bann ki pe depoz uswa pe ramas pasaze. Bann ansyin bizin deside ki laranzman neseser zot pu bizin fer pu zot kongregasyon.