Daniel ek so badge l’assemblée

Jésus ti reprend bann chef religieux ki ti croire ki zot ti trop juste ek ki ti en colere kan zot ti trouve bann jeune garson pé loué Bondié en publik. Jésus ti pose zot enn question bien approprié: “Eski jamais zot pa finn lire sa: ‘To finn faire louange sorti dan la bouche bann ti-zenfant ek bann ki encore pé boire avek zot mama’?” — Matthieu 21:​15, 16.

Daniel ki ena six an ek ki frequente enn congregation russe en Allemagne, li enn l’exemple ki montré ki azordi aussi ena bann zenfant ki pé loué Jéhovah. Li ti assisté l’assemblée bann Témoins de Jéhovah ki ti faire Duisburg, ensam avek so mama ek so soeur. Premier fois zot ti pé assisté enn grand l’assemblée coumsa. Tou ti nouveau pou zot: l’hotel kot zot ti resté, quantité dimoune ki ti assisté l’assemblée, reste assizé pendant trois jour, bapteme, ek aussi drame. Daniel ti faire bon zenfant pendant sa trois jour-la.

Lundi apré l’assemblée, Daniel ti fini retourne kot li ek li ti levé boner pou li al lekol maternel. Mais ki ti encore lor so veste? So badge l’assemblée! So mama ti dire li: “L’assemblée inn fini. Zordi to kapav tire badge-la.” Mais Daniel ti dire: “Mo envie tou dimoune trouvé kot mo ti allé ek koné ki mo ti aprann.” Alors li ti fiere pou garde so badge lor li pendant toute la journée dan lekol. Kan so professeur ti pose li question, li ti raconte li program l’assemblée.

Kan li’nn faire sa, Daniel ti pé suive l’exemple bann millier garson ek tifi ki finn donne louange Jéhovah en publik pendant tou sa bann siecle ki’nn passé-la.