Avant ti persecute zot, asterla content zot

ENA dé-trois l’année, Santiago ek so madame, Lourdes, ti al reste dan Huillcapata, enn joli la-ville dan Pérou, pou partage l’esperance ki ena dan la Bible avek bann dimoune dan sa l’endroit-la. Mais, bientot, enn pretre ti sorti Cuzco, ek ti rassemblé bann dimoune dan Huillcapata. Li ti dire zot ki presence bann Témoins de Jéhovah parmi zot ti pou amenn enn l’epidemie ek gros la-neige ki ti pou touye zot bann boeuf ek ruine zot bann plantation.

Beaucoup ti laisse-zot influencé par sa “prophetie-la,” ek pendant plus ki six mois, personne dan la ville pa ti accepté l’invitation Santiago ek Lourdes pou etudié la Bible. Miguel, enn officier la ville, ti envoye Santiago ek Lourdes coup-de-roche lor chemin pou pousse zot. Mais Santiago ek Lourdes ti touletan comporte zot couma bann bon chrétien ki favorise la paix.

Avek le temps, certain dimoune dan sa la-ville-la finn commence etudié la Bible. Mem Miguel, ti change so l’attitude. Li ti commence etudié avek Santiago, li ti arrete boire beaucoup, ek li ti vinn enn dimoune ki favorise la paix. Finalement Miguel, so madame, ek deux parmi so bann tifi ti accepté la verité.

Zordi dan sa la-ville-la, ena enn congregation ki pé bien progressé. Miguel content ki la plupart bann roche ki li ti envoye lor Santiago ek Lourdes finn rate zot coup, ek li reconnaissant ki sa couple-la finn donne enn bon l’exemple en tant ki bann dimoune ki disposé pou vive en paix.

[Zimage, page 32]

Caractere paisible Santiago ek Lourdes (la-haut) inn faire Miguel (a droite) change so l’attitude