Enn longue voyage inn recompensé

ENN rapport sorti République démocratique du Congo raconté couma deux soeur charnel ti decide pou faire enn longue voyage dan enn region kot ti ena la guerre, pou al assisté l’assemblée district “Donne Bondié la gloire,” dan la ville Lisala. Zot ti envie profite l’instruction spirituel, ek compagnie bann ­lezot chrétien, ek aussi zot ti ena l’espoir pou trouve bann representant la filiale bann ­Témoins de Jéhovah ki dan Kinshasa. A cause la guerre civil, sa ti faire plusieurs l’année ki zot pa ti finn joinde personne ki sorti la filiale, ek zot ti envie profite sa l’occasion-la pou faire sa.

Pou zot sorti dan zot l’endroit, Basankusu, pou zot al Lisala, zot inn traverse la foret ek zot inn voyage par pirogue lor deux la-riviere. Zot ti prend trois semaine pou zot faire sa voyage 300 kilometre-la. Toulé-deux dan service pionnier, enn depuis 3 an ek lot-la depuis 19 an. Alors, zot finn profite zot voyage pou preche la bonne nouvelle. Zot inn passe 110 heure pou preche avek bann dimoune ki zot ti joinde tout longue zot chemin, ek zot finn place 200 tract ek 30 periodik.

Dan sa la-riviere kot zot ti bizin passé-la, ena bann hippopotame ek bann crocodile. Zot pa ti kapav voyagé pendant la nuit parski li trop dangereux pou bann pirogue traverse la riviere. Zot ti bizin aussi passe par bann poste control militaire.

Mem si zot voyage ti longue ek ti fatigant, sa deux soeur-la pa ti regrette zot bann zeffort. Toulé-deux ti bien reconnaissant ek zot ti bien content parski zot ti kapav assisté l’assemblée dan la ville Lisala. Dan zot leker, ti ena enn grand l’enthousiasme pou la verité, ek zot ti encouragé par sa 7,000 frere ek soeur ki ti present-la. Apré l’assemblée, zot finn bizin faire face ar bann mem difficulté pou retourne lakaz. Mais zot finn bien rente kot zot ek tou dimoune ti o.k.