Konsolasyon pu Bann Ki Pe Kriy Osekur

LABIB li pa enn liv ki koz lor lasante mantal. Me, Li donn nu konsolasyon ek li ed nu pu apresye lavi malgre bann problem ki nu gayne. Avek realis, Labib dir: “Zom ki ne par enn fam, ena enn lavi byin kurt ek ranpli ar difikilte.” (Zob 14:1) Se akoz nu prop linperfeksyon ki nu gayn sertin leprev. Me, kisannla ki an premye responsab pu sufrans bann dimunn?

Labib dir ki se enn lespri move ki apel Dyab ek Satan. Li “pe deturn lemond antye” ek li responsab buku bann problem ki pe akable tu bann dimunn. Me, Labib dir usi ki li pa res buku letan. (Revelasyon 12:9, 12) Byinto tu bann maler ki Satan finn amene lor bann abitan lor later pu disparet grasa lintervansyon Bondye. Dapre Labib, Bondye promet ki pu ena enn nuvo lemond kot pu ena lazistis ek kot dezespwar pu disparet.—2 Pyer 3:13.

Wi, li enn gran rekonfor kan nu kone ki sufrans bann dimunn li zis tanporer! Anba reyn Rwayom Bondye ki dan lesyel ek ki dan lamin Zezi Kris, linzistis ek sufrans pu disparet. Konsernan sa Lerwa ki Bondye finn swazire la, Labib dir: “Li pu sap sa pov ki kriye osekur la, ek usi sa kikenn ki dan gran sagrin la, ek ninport kisannla ki pena personn pu ed li. Li pu ena sagrin pu bann malere ek bann pov, ek li pu sap nam bann pov. Li pu delivre zot nam ar vyolans ek ar bann kitsoz ki pe kraz zot, ek zot disan pu ena valer devan so lizye.”—Psom 72:12-14.

Lepok pu sa bann parol profetik la realize, li byin pre. Nu pu kapav profit lavi pu tuletan dan enn paradi lor later kot pu ena bann kondisyon extraodiner. (Lik 23:43; Zan 17:3) Konesans lor sa bann promes Labib ki byin ankurazan la, donn bann ki pe kriy osekur, lespwar ek konsolasyon.

[Zimage page 32]

Enn tifi deprime: Photo ILO/J. Maillard