Kouma ou kapav servi bien sa liv-la pou aprann plis lor Labib?
Pou koumanse, anou dekouver sa liv-la. Apre sa, zwe VIDEO-la.
PREMIE PARTI
Pou prepar sak leson, lir premie parti. Bann kestion an kouler (A) ek bann verse (B) montre bann pwin inportan. Ou pou remarke ki ena sertin verse kot inn ekrir “lir.”
DEZIEM PARTI
Fraz ki anba parti Anou Get Inpe Plis (C) explike seki nou pou al gete. Bann soutit (D) montre bann pwin inportan. Lir bann verse, reponn bann kestion, ek get bann video.
Bann VIDEO pou donn ou plis linformasion lor seki pou examine dan leson-la. Sertin video rakont bann zistwar ki’nn vremem arive, ek lezot koz lor bann sitiasion ki kapav arive.
Get osi bann zimaz ek bann deskripsion zimaz (E), ek apre sa, reflesi kouma ou ti pou reponn seki Sertin Dimounn Dir (F).
TRWAZIEM PARTI
Seki Nou’nn Aprann ek Eski Ou Rapel? (G) fer enn rezime leson-la. Ekrir dat ki ou’nn fini sa leson-la. Dan lankadre Mo Lobzektif (H) ou pou trouv enn lobzektif lor ki ou kapav travay. Dan parti Dekouver (I) ou pou gagn bann lezot referans ki ou kapav lir ouswa gete.
Kouma ou kapav rod bann verse dan Labib?
Ena 66 ti liv dan Labib. Li divize an de seksion: Bann Lekritir Ebre ek Arameen (“Ansien Testaman”) ek bann Lekritir Grek (“Nouvo Testaman”).
Kan fer referans ar enn verse, li montre ou liv Labib-la (A), so sapit (B), ek verse ouswa bann verse la (C).
Par exanp, Zan 17:3 fer referans ar liv Zan, sapit 17, verse 3.