Eski Ou Pou Fer Volonte Jéhovah?

Mersi ki ou finn pran letan pou examinn sa brosir-la. Ou finn kapav konn inpe plis ki kalite dimounn bann Temwin Jéhovah ete, ki nou fer, ek kouma nou lorganizasion fonksione. Nou swete ki sa brosir-la inn ed ou pou trouve ki se bann Temwin Jéhovah ki pe fer volonte Jéhovah zordi. Nou ankouraz ou pou kontign ogmant ou konesans lor Bondie, pou dir ou bann fami ek ou bann kamarad seki ou pe aprann, ek pou asiste nou bann renion regilierman. ​—Hébreux 10:23-25.

Ou pou rann ou kont ki plis ou aprann lor Jéhovah, plis ou pou trouve ki kantite Li kontan ou. Lerla an-retour, sa pou motiv ou pou fer tou seki ou kapav pou montre ki ou kontan Li. (1 Jean 4:8-10, 19) Me dan ou lavi toulezour, kouma ou kapav montre ki ou ena sa dezir-la? Kifer sa li dan ou lintere ki ou obeir so bann prinsip ki Li’nn etabli? Ki kitsoz pou fer ou ena dezir pou fer volonte Bondie ansam avek nou? Sa dimounn ki fer ou letid la pou bien kontan pou ed ou trouv repons sa bann kestion-la, pou ki ou ek ou fami kapav “res dan lamour Bondie, . . . pou gagn lavi eternel.”​—Jude 21.

Avek tou nou leker, nou invit ou pou kontign fer bann progre dan laverite kan ou etidie sa piblikasion-la . . . “Reste dan l’amour Bondié.”