Message ki ena dan la Bible

Jéhovah crée Adam ek Ève pou zot vive pou touletan dan Paradis. Satan sali nom Bondié ek mette en doute So droit pou dirigé. Adam ek Ève rebellé zot aussi ensam avek Satan, seki finn amenn peché ek la mort lor sa premier couple-la ek lor zot bann descendant

Jéhovah condamne bann rebelle ek promette ki pou ena enn Sauveur, ou-soit enn Descendance ki pou vini, ki pou detruire Satan, ek repare tou degat ki rebellion ek peché inn faire

Jéhovah promette Abraham ek David ki zot pou vinn bann ancetre sa Descendance-la, ou-soit Messie, ki pou regné pou touletan

Jéhovah inspire bann prophete pou annoncé ki Messie pou delivré zot ar peché ek la mort. Ensam avek bann ki pou regne avek li, li pou regné en tant ki le Roi dan Royaume Bondié ki pou tire la guerre, maladie ek mem la mort

Jéhovah envoye so Garson lor la terre ek presente Jésus couma Messie. Jésus preche lor Royaume Bondié ek offert so la vie en sacrifice. Apré, Jéhovah ressuscite li couma enn l’esprit

Jéhovah faire so Garson vinn le Roi dan le ciel, ek sa c’est enn signe ki bann dernier jour sa systeme-la inn commencé. Jésus guide so bann disciple ki lor la terre a mesure ki zot preche Royaume Bondié partout

Jéhovah donne l’ordre so Garson pou faire ki Royaume Bondié regne lor la terre entier. Sa Royaume-la detruire tou bann mauvais gouvernement, li etabli Paradis, ek tigit-tigit li faire en sorte ki bann dimoune fidele vinn parfait. Droit ki Jéhovah ena pou regné li justifié, ek so nom sanctifié pou touletan