Zeova donn nu enn Sover

29 Premye personaz ki ena enn lekor lespri ki Bondye ti kre ti kuma enn premye garson pu Li.

Bondye byin kontan li ek Li pu servi li pu detrir bann move dimunn ek pu sap bann ki ekut Li.—Zan 3:16, 36

30 Zeova ti avoy so Garson pu pran nesans lor later. Li ti apel Zezi. So mama ti apel Mari.—Lik 1:30-35

31 Kan Zezi finn vinn adilt, li finn anseyn buku bon kitsoz. Li finn anseyne ki Zeova tusel vre Bondye.—Mark 12:29, 30

Zezi finn dir ki nu bizin ador zis Zeova.—Matye 4:10; Zan 4:23, 24

Li finn usi anseyn bann dimunn lor rwayom Zeova.—Lik 17:20, 21

32 Zezi finn geri bann malad ek li finn fer buku bon kitsoz. Zame li pa finn fer bann move kitsoz.—Akt 10:38; 1 Pyer 2:21, 22

Me kuma eski li ti pu sap nu dan pese ek lamor?

33 Li finn bizin ofer Bondye enn sakrifis pu sap bann bon dimunn. Dan lepase, Bondye ti dir bann dimunn sakrifye bann zanimo pu zot bann pese.—Ebre 7:25, 27

34 Zezi pa ti sakrifye bann zanimo. Li finn donn limem kuma enn sakrifis pu nu.—Matye 20:28; Ebre 10:12

Eski u kone kifer?