Rit

4 ...“Intel”... 5 Lerla Boaz ti dir: “Zour ki to aste sa terin-la ar Noemi, to bizin aste sa terin-la ar Rit osi, sa Moabit-la, madam sa misie ki’nn mor la, pou ki sa misie-la pa perdi so leritaz.” 6 Lerla, Elimelek so fami pros ti reponn: “Mo pa kapav reaste li, parski mo riske perdi mo prop leritaz. Mo donn twa mo drwa pou reaste li, parski mwa mo pa pou kapav reaste li.” 7 koutim lontan dan Izrael konsernan drwa re-aste ... enn zom ti bizin tir so sandalet ek donn sa so konpagnon ... 10 Anplis, mo pou marye avek Rit, sa Moabit-la, ki ti Malonn so madam. Koumsa, sa kikenn ki’nn mor la, pa pou perdi so leritaz, ek personn parmi so bann frer ek bann abitan so lavil pa pou bliye so nom. Zot tou temwin azordi.” 13 Alor Boaz ti marye avek Rit ek li ti gagn relasion sexiel avek li. Zeova ti permet Rit tom ansint ek li ti gagn enn garson. 14 Ek bann fam ti dir Noemi: “Ki Zeova gagn laglwar, parski Li’nn fer twa zwenn enn kikenn ki pou re-aste twa azordi. Ki tou dimounn konn nom sa zanfan-la dan Izrael! 15 Sa zanfan-la inn fer twa re-viv ek li pou pran twa swin kan to vinn vie, parski se to belfi ki’nn donn li nesans, li ki kontan twa ek ki ena plis valer pou twa ki set garson.” 16 Noemi ti pran zanfan-la dan so lebra ek li ti okip li. 17 Alor bann vwazinn ti donn li enn nom, ek zot ti dir: “Noemi inn gagn enn garson.” Ek zot ti apel li Obed. Limem ki papa Zese, papa David. 22 Obed ti vinn papa Zese, ek Zese ti vinn papa David.