Rit

1 Asterla, dan lepok bann ziz ti pe zize, finn ena enn lafaminn dan pei, ek enn zom finn kit Betleem, dan Zida pou al res kouma etranze dan bann laplenn Moab, li, so fam ek so de garson. 6 ...Zeova ti pran swin so pep kan Li ti donn zot manze. 8 Lerla Noemi dir so toulede belfi: “Ale, retourn sakenn dan lakaz zot mama. Ki Zeova montre so lamour fidel anver zot, parey kouma zot finn montre zot lamour fidel anver sa bann zom ki asterla inn mor la ek anver mwa osi. 9 Mo swete ki Zeova fer zot enn don, ek ki zot trouv enn plas trankil pou reste, sakenn dan lakaz so mari.” Apre sa li anbras zot ek zot koumans kriye for ek plore. 10 ...“Non, me nou pou retourn avek twa ver to pep.” 13 …Zeova inn vir so ledo ar mwa.” 14 Alor, zot ti rekoumans plore bien for. Lerla, Orpa ti anbras so belmer ek li ti ale. Me Rit li, li ti res avek Noemi. 15 ...“Get to belser, li, li’nn retourn kot so pep ek kot so bann bondie. Ale, al avek to belser.” 16 Me Rit ti dir: “Pa fors mwa pou abandonn twa, pa anpes mwa vinn ar twa; parski kot to pou ale, mo pou ale, ek kot to pou pas lanwit, mo pou pas lanwit. To pep pou vinn mo pep, ek to Bondie, mo Bondie. 17 Kot to mor, mo pou mor, ek lamem ki pou anter mwa. Ki Zeova pini mwa si zame enn lot kitsoz apart lamor separ mwa ek twa.” 18 Kan li finn trouve ki li ti pe persiste pou al avek li, lerla li finn aret koz ar li. 19 Toulede finn kontign zot semin ziska ki zot ariv dan Betleem...“Eski Noemi mem sa?” 20 Me li ti pe dir bann fam: “Pa apel mwa Noemi. Apel mwa Mara, parski Tou-Pwisan inn rann mo lavi bien amer. 21 Mo lame ti ranpli kan mo ti ale, me Zeova inn fer mwa retourn lame-vid. Kifer zot bizin apel mwa Noemi, alor ki se Zeova ki finn imilie mwa ek se Tou-Pwisan ki finn fer mwa gagn maler?” 22 Alor, Noemi ti sorti Moab avek so belfi Rit ki enn Moabit. Zot ti ariv Betleem koumansman sezon rekolt lorz.