Zozwe

14 “Alor, zot bizin ena lakrint pou Zeova ek servi Li avek lintegrite ek laverite; al lwin avek bann bondie ki zot bann anset ti servi lot kote Larivier ek dan Lezip, ek servi Zeova. 15 Me si zot trouve ki li pa bon ki zot servi Zeova, swazir zotmem zordi kisannla zot pou servi, swa bann bondie ki zot bann anset ki ti res lot kote Larivier ti servi, swa bann bondie bann Amorit, dan pei kot zot pe reste. Me mwa ek mo fami, nou pou servi Zeova.” 16 Lerla lepep ti dir: “Non! Pena sime ki nou kit Zeova ek al servi lezot bondie. 18 Ek Zeova finn pous tou bann pep, mem bann Amorit, ki ti pe viv devan nou. An seki konsern nou osi nou pou servi Zeova, parski Li nou Bondie.” 24 ...“Se Zeova nou Bondie ki nou pou servi, ek nou pou ekout seki Li dir nou!” 31 Ek Izrael ti servi Zeova toutlong lavi Zozwe ek toutlong lavi bann ansien ki ti kontign viv apre Zozwe, ek ki finn konn tou seki Zeova finn fer pou Izrael.