Malaki

2 “Asterla, sa komannman la li pou zot, bann pret. 2 Si zot pa pou ekoute, ek si zot pa pran serye pou donn mo nom laglwar,” Zeova Sef bann larme finn dir, “mo pou avoy malediksion lor zot, ek mo pou fer zot bann benediksion vinn bann malediksion. Wi, mo finn mem modi benediksion-la, parski zot pa finn pran sa serye.” 3 “... fann malpropte lor zot figir, ... 6 Lalwa laverite ti dan so labous, ek pa ti ena linzistis lor so lalev. Li ti mars avek mwa dan lape ek dan enn fason drwat, ek li finn fer boukou kit erer. 7 Parski lalev enn pret mem ki bizin gard konesans, ek lalwa mem ki lepep pou rode par so labous; parski li mesaze Zeova bann larme. 8 “Me zot, zot finn kit semin la. Zot inn fer boukou manke tonbe akoz lalwa. Zot finn kas lalians Levi,” Zeova bann larme finn dir. 9 “Ek mwa osi, mo pou fer zot vremem gagn mepri ek vinn anba pou tou lepep, parey kouma zot pa ti pe swiv mo bann manier azir, me zot finn fer preferans dan lalwa.” 10 “Eski pa enn sel papa ki nou tou ena? Eski pa enn sel Bondie ki finn kree nou? Kifer eski nou pe azir kouma tret anver nou kamarad, kan nou mepriz lalians nou bann anset? 11 Zida finn fer tret, ek finn komet enn kitsoz bien-bien pa bon dan Izrael ek dan Zerizalem; parski Zida finn sali natir sakre Zeova, ki Bondie finn kontan, ek li finn marye avek tifi enn bondie etranze. 12 Zeova pou detrir ninport kisannla ki fer sa, seki pa pe dormi ek seki pe reponn, dan bann latant Zakob, ek seki pe prezant enn ofrand Zeova bann larme.” 13 “Ena enn lot kitsoz ki zot fer, ki fer lotel Zeova ranpli ar larm, plore ek soupir. Akoz sa, Li nepli pran kont zot ofrand ni apresie ninport ki kitsoz ki zot ofer ar zot lame. 14 Ek zot finn dir: ‛Akoz ki zafer?’ Parski Zeova Limem temwin ant twa ek fam ar ki to’nn marye depi to zenes, ki to finn trayir, malgre ki li to partner ek fam ar ki to’nn marye legalman. 15 Me ena enn ki pa finn fer sa, parski li ti ena seki finn reste dan lespri. Ek ki li ti pe rode? Desandans Bondie. Alor, vey bien lor zot lespri, ek fode pa ki personn trayir fam ar ki zot inn marye depi zot zenes. 16 Parski Mo ayir divors,” se seki Zeova Bondie Izrael dir, “ek seki finn kouver so linz ar violans,” Zeova Sef bann larme dir. “Ek zot bizin protez zot lespri, ek fode pa zot fer tret. 17 “Zot finn fatig Zeova avek zot bann parol, ek zot finn dir, ‛Dan ki fason nou’nn fatig Li?’ Kan zot dir, ‛Seki fer move, sa li bon devan lizie Zeova, ek Li apresie sa bann kalite dimounn la,’ ouswa, ‛Kot Bondie lazistis?’”