Sofoni

3 Maler lor seki pe rebele ek ki pe sali limem, lor lavil ki fer dominer! 2 Li pa finn ekout okenn lavwa; li pa finn aksepte okenn disiplinn. Li pa finn fer Zeova konfians. Li pa finn koste ar so Bondie. 4 So bann profet pa finn ena okenn respe, zot ti bann zom tret. So bann pret finn sali seki ti sakre; zot finn fer violans avek lalwa. 5 Zeova ti drwat omilie li; Li pa ti pou fer seki pa drwat. Gramatin apre gramatin Li finn kontign donn so prop desizion pou zizman. Kan finn koumans fer kler, nanye pa ti manke. Me sa kikenn ki pa ti drwat la pa ti pe gagn onte. 6 “Mo finn touy bann nasion; zot bann latour ki dan kwin finn vinn enn rwinn. Mo finn kraz zot bann sime, pou ki personn pa kapav pase. Zot bann lavil finn vinn dezer, pou ki pena okenn zom, ni okenn abitan. 8 ‛Akoz samem atann mwa,’ samem ki Zeova dir, ‛ziska zour kot mo pou leve pou pran seki zot ena, parski mo’nn deside pou reini bann nasion pou rasanble bann rwayom, pou vers lor zot mo bann kondanasion, tou mo gran koler; parski mo koler kouma dife ek li pou detrir later antie. 9 Parski lerla mo pou sanz lang bann pep pou fer li vinn enn lang ki sin, pou ki zot tou loue nom Zeova, pou ki zot servi Li kot-a-kot.’ 11 Sa zour-la to pa pou onte akoz tou seki to’nn fer pou rebel kont mwa, parski lerla mo pou tir bann dimounn ki dan lazwa parmi twa akoz zot lorgey; ek zame ankor to pa pou ena lorgey dan mo montagn sakre. 12 Mo pou les omilie twa enn pep ki ena limilite, ek vremem zot pou rod proteksion dan nom Zeova. 13 Me konsernan bann seki finn res dan Izrael, zot pa pou fer seki pa drwat, zot pa pou koz manti, ek dan zot labous pa pou ena enn lalang ki anbet dimounn; zot pou manze ek zot pou alonze, ek pa pou ena personn ki pou fer zot per.” 14 Kriye dan lazwa, A tifi Sion! Kriye ek selebre, A Izrael! Ena lazwa ek montre lazwa avek tou to leker, A tifi Zerizalem! 15 Zeova finn anlev zizman ki ti lor twa. Li finn detourn to lennmi. Zeova Lerwa Izrael omilie twa. To pou nepli per maler. 16 Sa zour-la kikenn pou dir Zerizalem: “Pa per, A Sion! Pa les to lame tonbe. 17 Zeova to Bondie li avek twa. Parski li enn Bondie Tou-Pwisan, li pou sov twa. Li pou dan enn gran lazwa akoz twa. Lamour ki Li ena pou twa pou fer Li gagn satisfaksion. Li pou kriye dan lazwa parski Li kontan pou twa. 18 Vremem mo pou rasanble ansam bann seki dan sagrin, seki ti absan kan ti ena to sezon fet; bann-la ti lwin ar twa, parski zot ti pe sarye repros akoz li. 19 Ala mo la, ek mo pe azir kont bann seki ti fer twa mizer sa lepok-la; ek mo pou sap seki pe bwate, ek mo pou rasanble ansam bann seki finn fann-fane. Ek mo pou met zot kouma enn laglwar ek kouma enn nom dan pei zot laont antie. 20 Lerla mo pou fer zot rantre, wi kan mo pou rasanble zot. Parski mo pou fer zot vinn enn nom ek enn louanz parmi tou bann pep lor later, kan mo pou fer zot bann prizonie retourne devan zot prop lizie,” ala seki Zeova dir.