Proverb
17 Vomie manz enn bout dipin sek dan enn lakaz kot ena lape ki enn lakaz ranpli ar gran-gran manze me kot ena lager. 3 Resipian ki servi pou pirifie, li pou larzan ek four pou lor, me Zeova, Limem ki examinn bann leker. 4 Enn dimounn move kontan ekout bann koze ki bles lezot, ek enn dimounn sournwa kontan ekout enn kikenn ki dir bann move kitsoz pou fer lezot ditor. 5 Enn kikenn ki boufonn bann pov, li pena respe pou so Kreater, ek enn kikenn ki kontan maler so prosin, li pou gagn so pinision. 9 Enn kikenn ki pardonn enn erer rod lamour, me enn kikenn ki kontign koz lor enn kitsoz, separ bann kamarad. 10 Enn repros ena plis lefe lor enn dimounn ki ena lintelizans, ki bat enn dimounn bet san kout baton. 14 Koumans enn lager, se koumadir ouver baraz enn rezervwar delo; avan ki lager eklate, ale. 17 Enn vre kamarad montre so lamour touletan, ek li enn frer ki’nn ne pou bann moman difisil. 22 Enn leker ki dan lazwa li enn bon medsinn, me enn dimounn ki so lespri inn abat fer li perdi lafors. 27 Enn dimounn ki ena sazes tini so lalang, ek enn dimounn ki ena bon zizman pou res kalm.