2 Kronik
3 ...tou seki ena dan lesiel ek ti servi zot. 6 Li ti bril so bann garson dan Vale Garson Inom; li ti fer mazik, li ti predir lavenir, li ti fer sorselri, ek li ti etabli bann dimounn ki koz ek bann mor ek bann dimounn ki predir lavenir. Li ti fer enn kantite move kitsoz devan lizie Zeova, pou ofans Li. 9 ...fer pli pir ki bann nasion ki Zeova ti detrir devan bann Izraelit. 11 Zeova ti pous bann sef larme lerwa Lasiri pou atak zot; zot ti trap Manase avek bann krose, zot ti atas li ar de menot an kwiv, ek zot ti amenn li Babilonn. 12 Dan so lapenn, li ti sipliy Zeova so Bondie ek li ti kontign imilie limem boukou devan Bondie so bann anset. 13 Li ti kontign priye Bondie, ek so siplikasion ti fer leker Bondie kontan. Bondie ti ekout seki li ti demande. Lerla Bondie ti fer li retourn Zerizalem ek li ti fer Manase revinn lerwa. Manase ti rekonet ki Zeova Limem vre Bondie. 15 Apre sa, li ti tir bann fos bondie ek zidol ki ti dan tanp Zeova, ek tou bann lotel ki li ti aranze lor montagn lakaz Zeova ek dan Zerizalem. Li ti fer zet tousala andeor lavil. 16 Li ti osi aranz lotel Zeova ek lor la, li ti koumans ofer bann sakrifis lape ek bann sakrifis pou remersie Bondie, ek li ti dir Zida pou servi Zeova Bondie Izrael.