2 Kronik
9 Apre sa, zot ti rod Aazia; zot ti gagn li dan Samari, kot li ti pe kasiet, ek zot ti amenn li ar Zeou. Lerla, zot ti touy li ek zot ti anter li, parski zot ti dir: “Se ti-zanfan Zozafat, ki ti rod Zeova ar tou so leker.” Pa ti ena personn dan fami Aazia ki ti kapav vinn lerwa. 10 Kan Atali, mama Aazia, ti aprann ki so garson inn mor, li donn lord pou touy tou bann desandan lerwa Zida. 11 Me Zeosabat, tifi lerwa, ti pran Zoas garson Aazia pou ki lezot pa touy li ansam avek bann lezot garson lerwa. Li ti kasiet Zoas ansam avek sa dimounn ki ti vey li la, dan enn lasam. Zeosabat tifi Lerwa Zoram (li ti madam pret Zoad ek ser Aazia) ti reisi kasiet li pou ki Atali pa touy li. 12 Zoas ti res kasiet avek zot pandan si-z-an dan lakaz vre Bondie kan Atali ti pe diriz pei la.