1 Kronik

8 “Remersie Zeova, loue so nom. Fer bann pep konn seki li’nn fer! 9 Sant pou Li, sant bann louanz pou Li, reflesi lor tou so bann kitsoz extraordiner ki li’nn fer. 10 Loue so nom avek fierte. Ki leker bann dimounn ki rod Zeova zot dan lazwa. 11 Rod Zeova ek so lafors. Kontign rod so led. 12 Rapel bann kitsoz extraordiner ki li’nn fer, so bann mirak ek bann zizman ki li’nn fer. 25 Parski Zeova li gran ek li merite ki nou loue li. Li merite ki nou respekte li plis ki tou bann lezot bondie. 26 Tou bondie bann pep zot bann bondie ki pena okenn valer. Me Zeova limem ki’nn fer lesiel. 27 Laglwar ek bote zot devan li; dan plas kot Li reste ena lafors ek lazwa. 31 Ki lesiel kontan, ek ki later dan lazwa; Dir bann nasion: ‘Zeova inn vinn Lerwa!’ 34 Remersie Zeova, parski Li bon; so lamour fidel dire pou touletan. 35 Ek dir, ‘Sov nou, A Bondie ki donn delivrans, Rasanble nou ek delivre nou ar bann nasion, Pou ki nou kapav donn to sin nom laglwar ek loue twa dan lazwa. 36 Ki Zeova, Bondie Izrael, gagn louanz pou touletan.’” Ek tou dimounn ti dir, “Amenn!” ek zot ti loue Zeova.