1 Kronik

11 Plitar, tou bann Izraelit ti al get David dan Ebron ek ti dir: “Gete! Nou ena mem disan. 2 Dan lepase kan Sail ti lerwa, tomem ki ti diriz Izrael dan so bann kanpagn militer. Zeova to Bondie ti dir twa: ‘To pou pran swin mo pep Izrael, ek to pou vinn sef lor mo pep Izrael.’” 17 Lerla, David ti dir zot seki li ti vremem anvi. Li ti dir: “Si mo ti kapav zis bwar delo ki sorti dan tenk ki pre ar laport Betleem!” 18 Alor, sa trwa solda for la ti rant dan kan bann Filistin par fors ek zot ti pran delo dan tenk ki ti pre ar laport Betleem ek zot ti amenn sa pou David. Me David pa ti aksepte pou bwar delo-la, ek li ti vers sa pou Zeova. 19 Li ti dir: “Mo ena respe pou Bondie. Alor, zame sa pou vinn dan mo lespri pou fer enn kitsoz koumsa! Eski mo kapav bwar disan sa bann zom ki’nn riske zot lavi-la? Parski zot inn riske zot lavi pou amenn sa.” Alor, li pa ti aksepte pou bwar sa. Samem seki so trwa solda for la ti fer. 22 Benaya garson Zoad ti enn zom ki ena kouraz ek ti fer boukou explwa dan Kabzeel. Li ti touy de garson Ariel ki ti sorti Moab. Enn zour ler lanez ti pe tombe, li ti desann dan enn pwi ek li ti touy enn lion. 23 Ek li ti osi touy enn ezipsien ki ti extra gran ek ki ti mezir sink koude. Mem si sa ezipsien-la ti ena enn lans dan so lame ki ti gro parey kouma enn bout dibwa ki dimounn servi pou fer latwal, Benaya ti atak ezipsien-la avek enn baton ek li ti ras sa lans-la dan so lame ek li ti touy li avek so prop lans. 24 Samem bann kitsoz ki Benaya garson Zoad ti fer, li ti popiler parey kouma sa trwa gerye ki for la. 25 Mem si li ti pli popiler ki sa trant-la, li pa ti lor mem nivo ki trwa meyer gerye-la. Me David ti swazir li pou vinn sef so bann gardkor.