1 Lerwa

8 Sa lepok-la, Salomon finn koumans rasanble bann ansien Izrael, tou bann sef tribi, bann sef bann papa, bann garson Izrael, devan Salomon dan Zerizalem, pou mont lars lalians depi Lavil David, setadir depi Sion. 2 Alor, tou bann ansien Izrael finn rasanble devan lerwa Salomon, dan mwa Etanim, pandan fet, setadir, setiem mwa. 3 Tou bann ansien Izrael finn vini, ek bann pret finn koumans sarye Lars. 4 Zot ti pe mont Lars Zeova, latant renion ek tou bann istansil sakre ki ti dan latant; ek bann pret ek bann Levite ti pe mont sa bann kitsoz-la. 20 ...pou nom Zeova, Bondie Izrael. 27 “Me eski vremem Bondie pou res lor later? Gete! Lesiel limem, wi pli gran lesiel ki kapav ena, pa ase gran pou twa, alor kouma to pou kapav res dan sa lakaz ki mo’nn ranze la. 29 pou ki to lizie ouver ek get ver sa lakaz-la, lanwit-lizour, ver sa plas ki to ti dir: ‘Mo nom pou la,’ pou ekout lapriyer ki to serviter pou fer ver sa plas-la. 32 silteple, ekout sa sitiasion-la depi lesiel, fer kitsoz, ek ziz to bann serviter kan to fer sa kikenn ki move la kone ki li koupab, ek fer li peye pou seki li’nn fer. Dir sa kikenn ki drwat la ki li inosan ek rekonpans li dapre so prop lazistis. 38 ninport ki lapriyer, ninport ki faver ki enn dimounn ouswa ki tou to pep Izrael demande, parski sakenn konn so lapenn dan so leker, ek vremem zot lev zot lame ver sa lakaz-la, 39 alor twa ki dan lesiel, landrwa fix kot to reste, mo demann twa pou ekout zot ek pou pardonn zot, azir ek rann sakenn dapre tou seki li fer, parski to konn so leker (parski to tousel ki konn bien leker sak dimounn); 40 pou ki zot ena lakrint pou twa toulezour ki zot viv lor sa later ki to’nn donn nou bann anset la. 41 “Ek osi sa etranze-la, ki pou form parti dan to pep Izrael, ek ki pou sorti vremem dan enn pei ki lwin, akoz to nom, 42 (parski bann dimounn pou tann koz lor to gran nom, lor to lame pwisan ek pouvwar to lebra), si vremem li vinn priye ver sa lakaz-la, 43 twa, ekout li depi lesiel, depi landrwa kot to reste, ek to bizin fer tou seki sa etranze-la demann twa dan so lapriyer; pou ki tou bann pep lor later konn to nom, pou ki zot ena lakrint pou twa parey kouma to pe pep Izrael... 46 “Si bann-la fer pese kont twa (parski pena okenn dimounn ki pa fer pese), et si to bizin ankoler kont zot ek abandonn zot avek lennmi, ek si vremem sa bann ki trap zot la fer zot vinn prizonie ek amenn zot kouma prizonie dan later lennmi, ki li lwin ouswa pre; 48 ...retourn ver twa avek tou zot leker... 53 Tomem ki finn separ zot ar tou bann pep lor later, pou zot vinn to leritaz... 56 “Loue Zeova, li ki’nn donn so pep Izrael enn landrwa pou repoze parey kouma li ti promet. Dan tou sa bann zoli promes ki li’nn fer atraver Moiz so serviter, pena enn promes ki pa’nn realize. 61 Ek zot leker bizin vinn konple pou Zeova nou Bondie kan zot mars dan so Lalwa ek kan zot swiv so bann komannman kouma zot pe fer zordi.” 62 Lerwa ek Izrael avek li, ti pe ofer enn gran sakrifis devan Zeova. 63 Salomon finn koumans ofer bann sakrifis lape ki li ti pou bizin ofer Zeova, 22,000 bef ek 120,000 mouton, pou ki lerwa ek tou bann garson Izrael fer inogirasion lakaz Zeova. 65 Sa lepok-la, Salomon finn koumans selebre fet-la, ek Izrael antie avek li, enn gran lafoul dimounn depi lantre Amat ziska vale Lezip, devan Zeova nou Bondie, 7 zour ek ankor 7 zour, 14 zour. 66 ...zot ti kontan ek zot leker ti dan lazwa akoz tou dibien ki Zeova ti fer pou David so serviter ek pou so pep Izrael.