1 Lerwa
20 Bann abitan Zida ek Izrael ti boukou parey kouma bann lagrin disab dan bor lamer; ... 21 An seki konsern Salomon, li ti sef lor tou bann rwayom, depi Larivier ziska pei bann Filistin ek ziska frontier Lezip. Zot ti amenn bann kado ek zot ti servi Salomon toutlong so lavi. 25 Zida ek Izrael ti kontign viv an sekirite, sakenn anba so pie rezin ek anba so pie fig, depi Dann ziska Beer-Sabe, touletan ki Salomon ti regne. 29 Ek Bondie ti kontign donn Salomon boukou sazes ek lintelizans, parey kouma enn kantite disab dan bor lamer. 30 Ek sazes ki Salomon ti ena, ti boukou pli gran ki sazes tou bann dimounn ki ti res dan Lorian ek tou sazes dan Lezip. 31 ...ek tou bann nasion toutotour ti konn so gran repitasion. 32 Ek li ti kapav pronons trwa mil proverb... 33 Li ti koz lor bann pie, depi sed dan Liban ziska lizop ki pouse lor miray. Li ti koz lor bann zanimo, bann zwazo, bann zanimo ek bebet ki ranpe ek lor bann pwason.