1 Lerwa

21 Apre sa, enn problem ti arive akoz karo rezin Nabot, enn dimounn ki sorti Zezreel; karo-la ti trouv dan Zezreel, pre kot sato Akab, lerwa Samari. 2 Akab ti dir Nabot: “Donn mwa to karo rezin pou ki mo plant legim ladan, parski li pre ar mo lakaz. Lerla mo pou donn twa enn pli bon karo rezin dan so plas. Ouswa si to anvi, dir mwa komie li koute mo aste li ar twa.” 3 Me Nabot ti dir Akab: “Zame sa pa pou vinn dan mo lespri, devan Zeova, pou donn twa leritaz mo bann anset.” 27 ...li ti desir so linz ek li ti met enn linz an goni lor li; ek li ti koumans gard karem ek li ti dormi dan enn linz an goni ek li ti mars dan enn gran tristes. 29 “Eski to’nn trouve kouma Akab finn imilie limem kan li’nn tande ki mo pou kondann li? Parski li finn imilie limem devan mwa, tanki li vivan mo pa pou amenn maler. Mo pou amenn maler lor so lakaz dan lepok so garson.”