1 Lerwa

19 Apre sa, Akab ti rakont Zezabel tou seki Eliya inn fer, ek kouma li’nn touy tou bann profet avek lepe. 2 Lerla Zezabel ti avoy enn mesaze kot Eliya, pou dir li: “Ki bann bondie pini mwa ek fer sa ankor plis, si demin sa ler lamem, mo pa fer twa seki to’nn fer ar sakenn parmi zot!” 3 Kan Eliya ti tann sa, li ti gagn per. Lerla li ti leve ek li ti galoupe pou sap so lavi. Li ti ariv Bersabe, ki trouv dan Zida, ek li ti les so serviter laba. 4 Ek Eliya ti al dan dezer. Li ti marse pandan enn zourne, ek finalman li ti asiz anba enn tipti pie. Ek la li ti demann Bondie pou tir so lavi. Li ti dir: “Mo nepli kapav! A! Zeova, tir mo lavi, parski mo pa vo plis ki mo bann anset.” 5 Finalman, li ti alonze ek li ti dormi anba sa tipti pie-la. Me enn kout, enn anz ti tous li ek ti dir li: “Leve, manze.” 6 Kan Eliya ti gete, pre kot so latet ti ena enn dipin ron lor bann ros ki’nn sofe ek enn brok delo. Li ti manze ek bwar, ek apre li ti re-dormi. 7 Plitar, anz Zeova ti revini enn deziem fwa, ti tous li ek ti dir li: ‘Leve, manze, parski larout-la pou tro long pou twa.” 8 Lerla, li ti leve, li ti manze ek bwar, ek pandan 40 zour ek 40 nwit li ti kontign ale gras-a lafors ki li ti gagne ar sa manze-la, ziska ki li ti ariv Oreb, montagn vre Bondie.” 9 Finalman li rant dan enn kavern pou pas lanwit; ek gete ti ena enn parol Zeova pou li; parol-la dir : Kifer to’nn vinn isi, Eliya? 10 Mo ti vremem zalou pou Zeova, sef bann larme; parski bann garson Izrael finn abandonn to lalians, zot finn kraz to bann lotel ek zot finn touy to bann profet par lepe. Aster-la res zis mo tousel ek zot pe rod mwa pou touye.” 12 ...enn lavwa kalm, trankil. 14 Eli ti reponn: “Mo ti vremem bien devwe pou Zeova, Sef bann larme; me bann Izraelit inn bliye to lalians, zot inn detrir to bann lotel ek zot inn touy to bann profet ar lepe, ek zis mo tousel ki reste. Aster zot pe rod touy mwa osi.” 18 Mo finn les set mil zom dan Izrael, tou bann ki pa’nn pliy zot zenou devan Baal, ek tou bann ki pa’nn anbras li avek zot labous.”