1 Lerwa
29 Konsernan Akab, garson Omri, li ti vinn lerwa lor Izrael dan trantwitiem lane Aza, lerwa Zida; ek Akab, garson Omri ti regn lor Izrael, dan Samari, pandan 22 an. 30 Akab, garson Omri ti koumans fer seki move devan lizie Zeova. Li ti pli pir ki tou bann lerwa avan li. 31 Ek ala seki ti arive—koumadir, sa pa ti ase ki li fer pese parey kouma Zeroboam, garson Nebat—li ti marye ar Zezabel, tifi Etbaal, lerwa bann Sidonien, ek li ti koumans servi Baal ek li ti prostern devan li. 32 Anplis, li ti fer enn lotel pou Baal, dan lakaz Baal, ki li ti konstrir dan Samari. 33 Apre sa, Akab ti fer enn poto sakre. Ek Akab ti fer bann kitsoz ki ti ofans Zeova Bondie Izrael ankor plis ki tou bann lerwa Izrael avan li.