2 Samiel

4 Ek finn arive ki dan sa lawit-la ki parol Zeova inn vinn ver Natan, ek dir: 5 “Ale, ek to bizin dir mo serviter David, ’Ala seki Zeova finn dir: “Eski tomem ki pou ranz enn lakaz pou mwa, pou mo reste? 6 Parski depi ki mo finn tir bann garson Izrael dan Lezip ziska zordi, mo pa finn res dan enn lakaz, me touletan mo finn mars dan enn latant ouswa enn tabernak. 7 Pandan tou sa letan ki mo finn mars avek bann garson Izrael, eski enn zour mo finn demann enn dan bann tribi Izrael, ki mo finn donn lord pou diriz mo pep Izrael: ‘Kifer eski zot pa finn ranz enn lakaz pou mwa avek bann dibwa sed?’”’ 8 Asterla, get ki to bizin dir mo serviter David, ‘Ala seki Zeova bann larme finn dir: “Momem ki finn tir twa dan laplenn kot bann troupo manze, deryer bann troupo, pou vinn sef lor mo pep Izrael. 9 Ek vremem, mo pou ar twa partou kot to ale, ek mo pou touy tou to bann lennmi devan twa; ek vremem mo pou fer twa gagn enn gran nom parey kouma bann gran sa lemond-la. 10 Vremem, mo pou donn lepep Izrael enn plas, ek plant zot, ek vremem zot pou res kot zot ete, ek personn pa pou deranz zot; ek bann garson linzistis pa pou afliz zot ankor parey kouma avan, 11 mem depi zour ki mo ti etabli bann ziz pou diriz mo pep Izrael; ek mo pou donn zot repo lor tou zot bann lennmi. “‘“ Ek Zeova finn dir ki to pou ena enn lakaz se seki zeova pou fer pou twa. 12 Kan to bann zour fini ek to al repoze avek to bann gran dimounn, lerla mo pou donn twa enn desandans apre twa, to prop garson, ek mo pou bien etabli so rwayom. 13 Limem ki pou ranz enn lakaz pou mo nom, ek vremem mo pou fixe tronn so rwayom bien solid pou touletan. 14 Momem, mo pou vinn so papa, ek limem, li pou vinn mo garson. Kan li fer erer, mo pou koriz li avek baton bann zom ek avek bann kou bann garson Adan. 15 Mo pa po retir mo lamour fidel lor li, parey kouma mo ti retir li lor Sail akoz twa. 16 To lakaz ek to rwayom pou stab pou touletan devan twa; to tronn pou bien etabli pou touletan.”’” 28 A! Segner Siprem Zeova, tomem vre Bondie, to touletan dir laverite, ek to’nn promet to serviter sa bann bon kitsoz la.