2 Samiel

25 Kan li’nn vinn Zerizalem pou zwenn lerwa, lerwa ti dir li: “Mefiboshet, kifer to pa’nn vinn avek mwa?” 26 Mefiboshet ti reponn: “Mo segner lerwa, mo serviter inn anbet mwa. Parski mo ti dir, ‘Les mo met lasel lor mo bourik pou mo kapav mont lor li ek al ansam avek lerwa,’ parski mo lipie paralize. 27 Me mo serviter inn koz twa manti lor mwa, A! mo segner lerwa. Selman, mo segner lerwa li kouma enn anz vre Bondie, alor fer seki to trouv bon pou fer. 28 A! mo segner lerwa, to ti kapav fer touy zot tou dan fami mo papa, me kanmem sa, to’nn donn mwa enn plas pou mo manz lor to latab. Alor, ki drwa ankor mo ena pou plengne ar lerwa?” 29 Me lerwa ti dir li: “Kifer to pe koz koumsa? Mo’nn deside ki twa ek Ziba, zot pou partaz sa later-la. 30 Alor Mefiboshet ti dir lerwa: “Les li pran tou, aster ki mo segner lerwa inn retourn dan so lakaz anpe.” 33 ...“Travers ansam ar mwa, ek mo pou donn twa manze dan Zerizalem.” 35 Zordi mo ena 80 an. Eski mo pou kapav fer diferans ant seki bon ek seki pa bon? Eski to serviter pou kapav apresie gou seki mo pou manze ek seki mo pou bwar, ouswa eski mo pou kapav ekout ankor lavwa bann santer ek bann santez?... 37 ...Ala to serviter Kimam. Les li travers avek mo segner lerwa; ek fer pou li seki twa to trouv bon.”