Ringa Mbica Mathũgaanione Rĩrĩa Ũkũthoma Bibiria

Bibiria nĩyaaragĩĩria mantũ jamaingĩ jarĩa jakarĩkĩte na nĩjethagĩrwa na mooritani ja gĩtũmi mono. Rĩrĩa twaringa mbica mathũgaanione ciegie mantũ jau, tũgaciũkĩrwa nĩjo bwega nkũrũki na tũgunĩke mono rĩrĩa tũkũjathoma. Ga tũcũnkũũne mendekithia jarĩa jagatũtethia kũthithia ũu.

• Thoma na kajũ. Kũthoma Bibiria na kajũ kwomba gũgũtethia kwĩthĩrwa na mbica ya jarĩa jagũkarĩka. Rĩrĩa bũkũthoma Bibiria bũrĩ amwe ta nja, bũkagwĩrĩrua nkũrũki o muntũ agaĩrwa gacuncĩ kaawe.

• Thũgaanĩria jarĩa jagũkarĩka. Geria gũciũkĩrwa nĩatĩa ũrĩa ũkwarĩĩrua aaigagua na aathũgaania. Ngerekano, no ũciũrie: ‘Nĩkĩ muntũ ũu aaugĩre na aathithia na njĩra nna? Kethĩra nĩni, nĩatĩa ndĩngĩthithia?’

• Coora mbica. Gũcoora mbica cia mantũ jarĩa jakwarĩĩrua Bibiriene kwomba gũgũtethia kũringa mbica mathũgaanione na kũriikana jarĩa wairitana, kinya kethĩra ũtĩracoora na njĩra ĩnjega.